1 Reis 9:9 - BIBLIA - traduson antigu in Krioulo

⁹ Jinti na ruspundil e na fala: ‘I pabia e disa SIÑOR se Deus, kil ku tira se papes na tera di Ejitu; e bai pega tras di utru deusis, e mpina se dianti, e adora elis. E ku manda SIÑOR manda tudu e mal riba delis.’ ”

1 Reis 9:9 ပူးပေါင်းရင်းမြစ်များ

1 Reis 18:18

Elias falal: “I ka ami ku na kansa Israel, ma i abo, ku familia di bu pape, pabia bo nega mandamentus di SIÑOR, bo bai tras di Baalis.

2 Reis 22:17

Suma ke disan, e kema nsensu pa utru deusis, e lantanda ña raiba ku tudu idulus ke kumpu ku se mon, asin ña raiba na yardi kontra e lugar; i ka na paga.’

2 Kronikas 29:8

Pabia di kila, SIÑOR, na si raiba garandi, i fasi Judá ku Jerusalen un kusa ku pui jinti dimira, e panta, e fasi trosa, suma ku bo na oja ku bo uju.

2 Kronikas 7:22

Jinti na ruspundi: ‘I pabia e disa SIÑOR Deus di se papes ku tira elis di tera di Ejitu, e ntrega se vida pa utru deusis, e mpina se dianti; e sirbi elis. E ku manda SIÑOR manda tudu e mal riba delis.’ ”

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 22:8

“Jinti di manga di nason e na pasa ne prasa, e na punta ŋutru: ‘Ke ku manda SIÑOR fasi asin ku e garandi prasa?’

Jeremias 44:23

Manera ku bo kema nsensu, bo peka kontra SIÑOR, bo ka obdisi si palabra, bo ka yanda na si lei nin na si regras, e ku manda e mal bin riba di bos, suma ku bo na oja aos.”

Jeremias 5:19

Ora ke puntau: ‘Ke ku manda SIÑOR no Deus fasinu tudu e kusas?’ bu na fala elis: ‘Suma ku bo disa SIÑOR, bo bai sirbi deusis stranjeru na bo propi tera, asin bo na sirbi stranjerus na tera ki ka di bos.’

Jeremias 50:7

Tudu kin ku oja elis, i ta nguli elis. Se inimigus ta falaba: ‘No ka ten kulpa, pabia e peka kontra SIÑOR, ku sedu se Morada justu, Speransa di se papes.’

Miskiñu di Jeremias 2:15

Tudu jinti ku pasa na kamiñu e na toka palmu, e subia, e balansa kabesa pa pobu di Jerusalen, e punta: “Nta es i ki prasa ku dadu nomi di Bonitasku Pirfitu, Kontentamentu di Tudu Mundu?”

Ripitison di Lei 29:23

Tudu con na kemadu, i kubridu ku sal ku nŝofri; nada ka na sumiadu, nada ka na padi; nin paja ka na kirsi. I na sedu suma con di Sodoma, Gomora, Admá ku Zeboin, ku SIÑOR kaba ku el na si garandi raiba.