1 Reis 9:1 - BIBLIA - traduson antigu in Krioulo

¹ Oca ku Salomon kaba kumpu kasa di SIÑOR, ku kasa di rei, ku tudu utru kusa ki teneba na sintidu pa fasi,

1 Reis 9:1 ပူးပေါင်းရင်းမြစ်များ

1 Reis 3:1

Salomon fasi kontratu ku Faraó, rei di Ejitu, i kasa si fiju femia, i lebal pa prasa di Davi, te na tempu ki kaba kumpu si palasiu, ku kasa di SIÑOR, ku mura ku rodiaba Jerusalen.

1 Reis 6:37

Na kuartu anu, na mis di Ziv, alisersu di kasa di SIÑOR pudu.

1 Reis 7:1

Salomon leba trezi anu pa kaba kumpu si propi kasa.

1 Reis 7:2

Kasa di Floresta di Líbanu teneba 46 metru di kumprimentu, 23 metru di largura ku 13,5 metru di altura. I teneba kuatru fila di kulunas di sedru, ku vigas di sedru riba di kulunas.

1 Reis 7:51

Oca ku tudu tarbaju ku rei Salomon fasi pa kasa di SIÑOR kaba, i leba tudu kusas ku si pape Davi dedikaba pa Deus, ku sedu prata ku uru ku vasus, i pui elis na kuartu di kasa di SIÑOR nunde ke ta guardaba rikesas.

1 Reis 8:66

Sol mansi, i dispidi jinti. Elis e bensua rei, e riba pa se kau, ku alegria ku kontentamentu di korson, pabia di tudu bon kusas ku SIÑOR fasiba pa si servu Davi, tambi pa si pobu Israel.

1 Reis 9:10

Salomon leba vinti anu pa kumpu kasa di SIÑOR ku kasa di rei.

1 Reis 9:11

Iron, rei di Tiru, manda Salomon madera di sedru ku di piñeru, ku uru, konformi Salomon mistiba. Na fin di ki vinti anu rei Salomon da Iron vinti prasa na tera di Galileia.

1 Reis 9:19

ku tudu prasas nunde ku material di gera ta guardadu, ku prasas pa karus, ku utrus pa kabalus. Asin Salomon kumpu tudu ki mistiba kumpu, na Jerusalen, Líbanu, ku tudu tera ki na gubernaba.

2 Kronikas 7:1

Oca ku Salomon kaba si orason, fugu kai di seu, i peganda ki oferta ku na kemaduba, ku utru sakrifisius. Gloria di SIÑOR bin inci kasa.

2 Kronikas 7:11

Asin Salomon kaba kumpu kasa di SIÑOR ku kasa di renansa, i kompleta tudu kusa ki teneba na sintidu pa fasi na tudu dus kau.

2 Kronikas 8:1

Salomon leba vinti anu pa kumpu kasa di SIÑOR ku kasa di si renansa.

2 Kronikas 8:6

Salomon kumpu Baalat ku tudu prasas di armazens nunde ki ta guardaba kusas, ku tudu prasas di karu ku di kabalus. I kumpu tudu ki mistiba kumpu, na Jerusalen, na Líbanu, ku tudu tera ki na mandaba riba del.

Eklesiastis 2:10

Tudu ku ña uju oja, i misti, N ka nega ranjal; N ka tuji ña korson kualker kusa sabi. N fika kontenti ku tudu ña tarbaju; ki kontentamentu ku sedu pagu di tudu ku N fasi.

Eklesiastis 2:4

N kumsa ku garandi obras; N kumpu kasas, N paranta ortas di uva, tudu pa mi.

Eklesiastis 6:9

I minjor pa kontenti ku kil ku bu oja di ki bu diseẑu na yanda-yanda ku kubisa. Es tambi i bakatela, suma algin ku na serka bentu.