1 Reis 5:7 - BIBLIA - traduson antigu in Krioulo

⁷ Oca Iron obi rekadu di Salomon, i fika kontenti dimas, i fala: “SIÑOR dibi di ngabadu aos suma ki da Davi un fiju jiru pa i rena riba di ki garandi pobu.”

1 Reis 5:7 ပူးပေါင်းရင်းမြစ်များ

Kumsada 33:5

Dipus Esaú yalsa si uju, i oja minjeris ku mininus, i punta: “E jinti ku sta ku bo i kin?” Jakó falal: “Es i fijus ku Deus pa si bondadi i da bu servu.”

1 Reis 1:48

i fala: ‘No ngaba SIÑOR Deus di Israel ku disan oja aos ku ña uju kin ku na sinta na ña tronu.’ ”

1 Reis 10:9

SIÑOR bu Deus dibi di ngabadu, ku fikaba kontenti ku bo, pa pou na tronu di Israel. SIÑOR ama Israel pa sempri; e ku manda i fasiu rei, pa bu pudi manti ordi ku justisa.”

1 Reis 3:9

Asin, bu ta dan korson di ntindimentu pa guberna bu pobu, pa N pudi sibi rapara kil ki bon ku kil ki mau, pabia kal algin ku pudi guberna es bu pobu garandi?”

1 Reis 4:7

Riba di tudu Israel Salomon teneba dozi gubernadur di reẑion ku ta ranjaba kumida pa rei ku jinti di si kasa. Kada gubernadur tenba ku ranja kumida pa un mis na kada anu.

1 Reis 5:6

N pidiu pa bu manda jinti pa e kortan sedrus na Líbanu. Ña omis na tarbaja juntu ku di bo; N na paga bu omis ki vensimentu ku bu pui. Suma ku bu sibi, no ka tene jinti ku sibi korta madera suma bu jinti di Sidon.”

1 Reis 5:8

Asin Iron manda fala Salomon: “N obi rekadu ku bu mandan. N na fasi tudu ku bu misti; N na ranjau sedrus ku piñerus.

Salmus 137:6

Ña lingua pa i kola na boka si N ka lembra di bo, si N ka pensa na Jerusalen suma ña alegria mas garandi!

Ditus 10:1

Es i ditus di Salomon: Fiju jiru ta kontenta si pape, ma fiju tulu i tristesa pa si mame.

Ditus 13:1

Fiju jiru ta obi si si pape kuriẑil, ma troseru ta raprindidu, i ta nega obi.

Ditus 15:20

Fiju jiru ta kontenta si pape, ma tulu ta njuti si mame.

Ditus 23:24

Pape di algin justu i na kontenti dimas; kil ku padi jiru i na sinti orgulyu pa el.

Isaias 8:18

Alin li, ku fijus ku SIÑOR dan. SIÑOR ku ten tudu puder, ku mora na monti di Sion, i mandanu suma sinal ku maravilya na Israel.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.