1 Reis 21:3 - BIBLIA - traduson antigu in Krioulo

³ Nabot fala Akab: “SIÑOR ta libran di N dau yardansa di ña papes.”

1 Reis 21:3 ပူးပေါင်းရင်းမြစ်များ

Numerus 36:7

Yardansa di fijus di Israel ka na kamba di un jorson pa utru, pabia kada israelita ten ku fika ku yardansa di jorson di si papes.

Sirmonias 25:23

“Tera ka pudi ba ta bindidu pa sempri, pabia i di mi. Abos bo na sedu ospris ku na mora la.

Ezekiel 46:18

Rei ka na toma nada di yardansa di pobu; i ka na serka elis di se terenu. Kualker terenu ki disa pa si fijus i na sedu di si propi yardansa, pa ka nin un di ña pobu afastadu di si yardansa.”

Romanus 6:15

Ma i ke? No ten ku peka suma no ka sta bas di lei ma bas di fabur di Deus? Nunka!

Gálatas 6:14

Pa Deus lunjusin di njata na utru kusa ku ka sedu krus di no Siñor Jesus Kristu, kil ku, pabia del, mundu sta krusifikadu pa mi, ami pa mundu.

1 Koríntius 6:15

Bo ka sibi kuma bo kurpu fasi parti di kurpu di Kristu? Nta N na toma parti di kurpu di Kristu pa N fasil parti di algin di mau vida? Di nin un manera!

Romanus 7:13

Nta kusa bon torna mortu pa mi? Nunka! Ma pekadu, pa i pudi raparadu kuma i pekadu, i toma kusa bon pa i matan ku el, pa mandamentu pudi mostra kuma ku pekadu i un kusa meduñu dimas.

Romanus 7:7

Ke ku no na fala? Nta lei i pekadu? Nunka! Ma N ka na kunsiba pekadu si i ka lei ku mostran el. N ka na kunsiba ke ki diseẑu mau si i ka lei ku falaba: “Ka bu kubisa.”

Romanus 6:2

Nunka! Anos ku muri ja pa pekadu, kuma ku no na kontinua nel?

Romanus 3:31

Nta no na pirdinti lei pabia di fe? Nunka, ma no na firmanta lei.

Romanus 3:6

Nunka! Si i asin, kuma ku Deus pudi julga mundu?

Romanus 3:4

Nunka! Deus ten ku sedu di bardadi, nin ku tudu omi sedu munturus, suma ki sta skritu: “Pa bu sedu justifikadu na bu palabras; ora ku bu sedu julgadu, pa bu ngaña.”

Jo 27:5

N ka na da bos roson; N ka na nega ña bardadi tok N muri.

1 Kronikas 11:19

i fala: “Deus ta libran di fasi un kusa suma es! Nta N pudi bibi sangi di vida de omis? E pui se vida na pirigu pa tisin e yagu.” Asin i nega bibil. Es i kusa ku ki tris omi di koraẑen fasi.

1 Samuel 24:6

I fala si omis: “SIÑOR ta libran di N fasi mal pa ña mestre ku SIÑOR unji, o pa N lantanda ña mon kontra el, pabia SIÑOR kujil pa i sedu rei.”

1 Samuel 12:23

Pa ña parti, SIÑOR ta judan pa N ka fasi e pekadu kontra el, di para ora pa bos, ma N na nsina bos kamiñu bon i justu.

Josué 24:16

Pobu ruspundi e fala: “Lunju di nos pa no bandona SIÑOR pa no bai sirbi utru deusis!

Josué 22:29

“Pa i sedu lunju di nos pa no lanta kontra SIÑOR, o no bandonal, pa fasi altar pa oferta kemadu, oferta di kumida o sakrifisiu, fora di altar di SIÑOR no Deus ku sta dianti di si tenda.”

Kumsada 44:17

Ma José falal: “Lunju di mi pa N fasi e kusa. Omi ku kopu ojadu na si mon, el ku na sedu ña katibu, ma abos bo pudi bai ku pas pa bo pape.”

Kumsada 44:7

E falal: “Siñor, pabia di ke ku bu na fala e palabras? Bu servus ka pudi fasi kusa suma es.

Numerus 36:9

Asin yardansa ka na kamba di un jorson pa utru. Jorsons di Israel na fika, kada un ku si propi yardansa.”