1 Reis 11:4 - BIBLIA - traduson antigu in Krioulo

⁴ Oca ku Salomon bejuba ja, si minjeris tursil korson pa i bai tras di utru deusis. Asin si korson ka seduba pirfitu pa SIÑOR si Deus suma korson di si pape Davi.

1 Reis 11:4 ပူးပေါင်းရင်းမြစ်များ

1 Reis 11:2

SIÑOR papiaba ku fijus di Israel aserka di ki nasons, i fala elis: “Ka bo kasa ku elis, pabia e na tursi bo korson pa bo bai tras di se deusis.” Ma Salomon bin liga ku elis ku amor.

1 Reis 11:33

N na fasi asin pabia Salomon disan, i mpina dianti di Astarot, deus femia di jinti di Sidon, ku Kemós, deus di jinti di Moab, ku Milkon, deus di fijus di Amon. I ka yanda na ña kamiñus, i ka fasi kusa retu ña dianti, i ka obdisi ña leis ku ordis suma ku si pape Davi fasi.

1 Reis 11:38

Si bu obi tudu ku N mandau, bu yanda na ña kamiñus, bu fasi kil ki retu ña dianti, bu obdisi ña leis ku ña mandamentus, suma ku ña servu Davi fasi, N na sta ku bo, N na dau Israel, N na konfirma bu familia na renu, suma ku N konfirma kil di Davi.

1 Reis 11:42

I rena na Jerusalen riba di tudu Israel pa korenta anu.

1 Reis 11:6

Asin Salomon fasi mal dianti di SIÑOR; i ka yanda ku SIÑOR suma si pape Davi.

1 Reis 11:9

SIÑOR bin ten raiba di Salomon, manera ku si korson disvia di SIÑOR, Deus di Israel, kil ku binba pa el dus bias,

1 Reis 14:21

Reoboan, fiju di Salomon, i bin sedu rei na Judá. I kumsa rena ku korenta i un anu di idadi, i rena disaseti anu na Jerusalen, prasa ku SIÑOR kuji di tera di tudu jorsons di Israel pa pui si nomi la. Si mame seduba minjer amonita comadu Naamá.

1 Reis 15:14

I ka tira ki kaus sagradu na montis, ma korson di Asa staba retu dianti di SIÑOR pa tudu si vida.

1 Reis 15:3

I yanda na tudu pekadus ku si pape fasiba antis del; si korson ka seduba pirfitu dianti di SIÑOR si Deus suma korson di Davi, pape di si dona.

1 Reis 3:3

Salomon amaba SIÑOR, i yanda konformi leis di si pape Davi, ma un kusa son, i ta sakrifikaba, i ta kema nsensu na kaus altu.

1 Reis 6:1

Kuatrusentus i oitenta anu dipus di fijus di Israel sai na Ejitu, na kuartu anu ku Salomon na rena riba di Israel, na mis di Ziv (ku sedu sugundu mis di anu), i kumsa kumpu kasa di SIÑOR.

1 Reis 8:61

Ma bo korson ten ku sedu fiel pa SIÑOR no Deus, pa bo yanda na si leis, bo obdisi si mandamentus, suma ku bo na fasi aos.”

1 Reis 9:10

Salomon leba vinti anu pa kumpu kasa di SIÑOR ku kasa di rei.

1 Reis 9:4

“Si bu yanda retu ña dianti ku korson puru, suma ku bu pape Davi fasi, bu fasi tudu ku N mandau, bu obdisi ña leis ku ña ordis,

2 Reis 20:3

“O SIÑOR! Lembra di manera ku N yanda bu dianti na bardadi, ku tudu ña korson, N fasi kusas ku bu misti pa N fasi.” Dipus i kumsa na cora risu.

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

1 Kronikas 29:19

Pui ña fiju Salomon pa i dija ku tudu si korson obdisi tudu bu mandamentus, leis ku ordis, pa i pui sintidu pa kumpu e templu ku N purpara ja kusas pa el.”

2 Kronikas 17:3

SIÑOR staba ku Jeosafá, pabia i yanda na kamiñu ku Davi, si pape, yandaba nel; i ka miti na kusas di Baal,

2 Kronikas 25:2

I fasi kil ki diritu na uju di SIÑOR, ma i ka ku tudu korson.

2 Kronikas 34:2

I fasi kil ki diritu na uju di SIÑOR, i yanda na kamiñus di si pape Davi; i ka disvia nin pa direita nin pa skerda.

Saida 20:3

“Ka bu tene utru deusis fora di mi.

Ripitison di Lei 17:17

Tambi rei ka dibi di kasa manga di minjer, pa si korson ka disvia; nin i ka dibi di junta manga di prata ku uru pa si kabesa.

Ripitison di Lei 7:4

pabia e ta disvianta bu fijus di mi, e leba elis pa e sirbi utru deusis. Asin, raiba di SIÑOR i ta sindi kontra bos, i ta kaba ku bos kinti-kinti.