1 Reis 10:8 - BIBLIA - traduson antigu in Krioulo

⁸ Sortiadu i bu omis! Sortiadu i bu ŝefis ku sta sempri bu dianti, e na obi bu palabras di jiresa.

1 Reis 10:8 ပူးပေါင်းရင်းမြစ်များ

1 Reis 10:7

N ka fiaba na ki palabras, tementi N ka bin, N ojal ku ña uju. Gosi N oja kuma e ka kontan nin metadi di bu jiresa ku rikesa; i pasa dimas di kil ku N obi.

1 Reis 12:6

Rei Reoboan bai konsulta ideia di garandis ku ta konsijaba si pape Salomon duranti si vida, i punta elis: “Kuma ku bo na konsijan pa N ruspundi e pobu?”

Ditus 10:21

Boka di algin justu ta alimenta manga di jinti, ma tulus ta muri pa falta di ntindimentu.

Ditus 13:20

Si bu yanda ku jiru bu na sedu jiru, ma kumpañer di tulus i na sufri danu.

Ditus 22:29

Bu oja un omi ku ta tarbaja diritu? I na bin kolokadu na tarbaju di rei; i ka na tarbaja pa kualker algin.

Ditus 8:34

Sortiadu i ki omi ku paran sintidu, i na pera na ña porta kada dia, i firma na entrada di ña kasa.

Jeremias 40:10

Ami N na sinta na Mizpá, pa sukuta ordi di jinti di Babilonia ku bin pa nos. Bo pudi junta biñu ku frutas ku azeiti, bo miti elis na jarus, bo sinta na prasas ku bo toma.”

Lukas 11:28

Jesus ruspundil: “Mas sortiadu i kilis ku ta obi palabra di Deus, e ta fasi suma ki fala.”

Lukas 11:31

Raiña di sul na lanta na juisu ku jinti di aos, i na kondena elis, pabia i sai la lunju na si tera pa bin obi jiresa di Salomon. Ali un algin li ki mas Salomon.