1 Pedru 5:8 - BIBLIA - traduson antigu in Krioulo

⁸ Bo disperta, bo sedu jiru, pabia bo inimigu, ku sedu diabu, i na yanda na bo roda, suma lion ku na somna, i na buska kil ki pudi nguli.

1 Pedru 5:8 ပူးပေါင်းရင်းမြစ်များ

Ester 7:6

Ester falal: “Inimigu ku sta kontra nos i e omi mau, Aman.” Na ki ora Aman foronta dianti di rei ku raiña.

Jo 2:2

SIÑOR puntal: “Nunde ku bu sai nel?” Satanas ruspundi SIÑOR i falal: “N na daba volta di mundu, N na pasiaba nel.”

Salmus 104:21

Lions forti ta somna nkuantu e na montia, e na buska kumida ku Deus na da elis.

Salmus 109:6

Kuji un malvadu pa i sta kontra ña inimigu; pui kil ku na akusal na si mon direita.

Ditus 19:12

Raiba di rei i suma gritu di lion, ma si fabur i suma serenu riba di paja.

Ditus 20:2

Raiba di rei i suma gritu di lion. Kil ku lantandal, i na pui si vida na pirigu.

Ditus 28:15

Suma lion ku na pupa o ursu ku tene fomi, asin ki omi mau ku ten puder riba di un pobu koitadi.

Isaias 50:8

Kil ku na justifikan sta pertu; kin ku na akusan? No bai juntu pa tribunal! Kin ku sta kontra mi pa i pertu mi!

Jeremias 2:15

Jinti somna suma lion, e yalsa vos kontra el. E dana si tera pa i sedu suma lala; si prasas kemadu; ningin ka mora nelis.

Jeremias 51:38

Jinti di Babilonia na pupa suma fiju di lion, e na ameasa suma lion pikininu.

Ezekiel 19:7

I kebra se palasius, i dana se prasas. Tudu jinti ku staba na ki tera e ta fikaba spantadu ora ke obi si baruju.

Ezekiel 22:25

Se ŝefis na ruma planu; e sta suma lion ku na somna riba di limaria ki paña. E ta mata jinti, e toma rikesas ku kusas di balur, e ta buri numeru di viuvas na tera.

Daniel 6:24

Rei da ordi; e tisi ki omis ku keŝaba di Daniel, e bota elis na koba di lions, elis ku se fijus ku se minjeris. E ka cigaba inda na fundu di koba, lions rabata elis, e kebra-kebra se os.

Oseias 11:10

“E na bai tras di SIÑOR; el i na somna suma lion. Ora ki somna, si fijus na tirmi, e na bin di kaida di sol.

Oseias 13:8

Suma ursu femia ku robadu si fijus, N na ataka bos, N na findi bo pitu; N na kume bos la suma ku lion ta kume. Limarias di matu na padasa bos.

Joel 3:16

SIÑOR na papia risu na Sion, i na yalsa vos forti na Jerusalen; seu ku tera na tirmi, ma SIÑOR na sedu kau suguru pa si pobu, kau forti pa fijus di Israel.

Amos 1:2

Amos fala: “SIÑOR na papia risu na Sion, na Jerusalen i na papia suma turbada. Cur ten na kau di bakiaduris; riba di monti Karmelu paja seku.”

Amos 3:4

Lion ta somna na matu si i ka oja kusa di kume? Lion nobu ta pupa na si koba si i ka paña nada?

Amos 3:8

Lion somna; kin ku ka na medi? SIÑOR Deus papia ja; kin ku ka na anunsia si rekadu?

Zakarias 11:3

Sinti kuma ku bakiaduris na jimi! se kau riku di bakia danadu. Sinti fijus di lion na somna! Ki matu bonitu lungu di Jordon kabadu ku el.

Zakarias 3:1

Deus mostran Josué, ŝef di saserdotis, ku firmaba dianti di anju di SIÑOR. Satanas staba na si mon direita pa akusal.

Mateus 13:39

Inimigu ku sumia elis i diabu. Kebur i fin di mundu. Kebraduris i anjus.

Mateus 24:42

“Bo toma sintidu, pabia bo ka sibi kal ora ku bo Siñor na bin.

Mateus 25:41

“Dipus i na fala tambi kilis ku sta na si skerda: ‘Bo lunjusi di mi, maldisuadus, pa fugu ku ka ta paga, ku purparadu pa diabu ku si anjus,

Mateus 4:1

Na ki tempu Spiritu di Deus gia Jesus, i lebal pa lala pa diabu pudi tental.

Mateus 4:11

Na ki ora diabu disal. Anjus ciga, e sirbil.

Markus 4:15

Simentera ku kai lungu di kamiñu signifika kilis ku palabra sumiadu nelis, ma e kaba obil son, Satanas bin tira ki palabra ku sumiadu na se korson.

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

Lukas 21:36

Bo bisia, bo ora sempri, pa bo pudi kapli tudu e kusas ku na bin kontisi, pa bo firma dianti di Fiju di omi.”

Lukas 22:31

Siñor fala tambi: “Simon, Simon, ali Satanas pidi lisensa pa feki bos suma arus,

Bon Noba di Jesus Kristu ku Jon 8:44

Abos, bo pape i diabu; bo misti fasi si vontadi. El i matadur disna di kumsada. Nunka i ka sikidu na bardadi, pabia bardadi ka sta nel. Ora ki na konta mintida, i ta konta di kil ki sedu propi, pabia i munturus; i pape di mintida,

2 Koríntius 2:11

pabia no sibi kal ki si planu mau.

Efésius 4:27

Ka bo da diabu lugar pa i yentra.

Efésius 6:11

Bo bisti tudu armadura ku Deus da bos, pa bo pudi fika firmi kontra armadilia di astusia di diabu,

1 Timótiu 2:15

ma si i kontinua na fe, amor, vida puru ku seredadi, na ora di padi i na salba.

1 Timótiu 2:9

N misti tambi pa minjeris bisti simplis, ku rispitu, na manera diritu, pa ka e pintia garandi modas, pa ka e faja ku uru o pérolas, nin ku bistidu karu,

1 Timótiu 3:11

Minjeris tambi e dibi di sedu retu, ku ka ta papia mal di utru, seriu, fiel na tudu kusa.

1 Timótiu 3:2

I pirsis pa un presbiteru sedu sin kulpa, maridu di un minjer son, seriu, ku sibi guberna si kabesa, ku ten ordi, ku ta risibi ospri na si kasa, ku ten jitu pa nsina.

2 Timótiu 4:17

Ma Siñor staba na ña ladu, i dan forsa pa N pudi konta si palabra klaru, pa tudu jintius obi. N libradu di boka di lion.

Titu 1:8

I dibi di sedu gasijadur, amigu di kil ki bon, ku sibi guberna si kabesa, justu, puru, ku ten ordi na si vida.

Titu 2:12

pa nsinanu nega vida mau ku tudu diseẑu di mundu, pa no sibi guberna no kabesa ne mundu di gosi, no sedu retu, no yanda suma ku Deus misti,

Titu 2:2

Konsija omis beju pa e sedu seriu, ku bon juisu, ku pudi guberna se kabesa, ku kunsi bardadi, e fia nel, ku ten amor, ku firmesa.

Titu 2:4

pa e trena minjeris nobu ama se omis ku se fijus, pa e sibi guberna se kabesa,

Titu 2:6

Konsija rapasis nobu tambi pa e sedu brandu na tudu.

Tiagu 4:7

Asin, bo baŝa pa Deus; bo firma kontra diabu; i ta kuri di bos.

1 Pedru 1:13

Asin, bo purpara bo ntindimentu pa tarbaju, bo pui tudu sintidu. Bo pui tambi tudu bo speransa na fabur ku bo na dadu ora ku Jesus Kristu bin.

1 Pedru 4:7

Fin di tudu kusa sta ja pertu; asin bo ten ku sedu seriu, bo ba ta bisia na orason.

Apokalipsi 12:10

N obi un garandi vos na seu ku na fala: “Salbason di no Deus ciga. Gosi i mostra si puder suma Rei. Otridadi sta ja na mon di si Kristu, pabia kil ku firma dianti di no Deus pa akusa no ermons, di noti ku di dia, i durbadu ja.

Apokalipsi 12:12

Seu, ku abos ku mora la, bo kontenti pabia de kusa ku kontisi! Ma ai di kilis ku mora na tera ku mar! Diabu disi pa bos ku garandi raiba; i sibi kuma i sobral puku tempu.”

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 20:10

Diabu ku ngana elis i botadu na lagua di fugu ku nŝofri, nunde ku besta ku falsu anunsiadur sta. E na kastigadu di dia ku di noti pa sempri.

Apokalipsi 20:2

I prindi dragon, ki antigu serpenti ku comadu diabu o Satanas, i maral pa mil anu.

Ŝefis 14:5

Sanson ku si pape ku mame e ria pa Timnat. Oca ki ciga na orta di uva di Timnat, un fiju di lion sai pa bin kontra ku el, i na pupa.