1 Pedru 4:8 - BIBLIA - traduson antigu in Krioulo

⁸ Riba di tudu, bo ama ŋutru ku tudu bo korson, pabia amor ta kubri manga di pekadu.

1 Pedru 4:8 ပူးပေါင်းရင်းမြစ်များ

Ditus 10:12

Odiu ta lantanda jus, ma amor ta kubri tudu ofensas.

Ditus 12:16

Tulu, si i paña raiba, i ta mostral logu, ma omi jiru ta disdangu algin ku na kobal mal.

Ditus 17:9

Kil ku ta purda, i diskisi, i ta buska amor, ma kil ku ta garbata asuntu i ta rapati garandi amigus.

Ditus 18:13

Algin ku ta ruspundi antis di obi, i na mostra si tulesa ku si borgoña.

1 Koríntius 13:1

N pudi papia linguas di omis, o te di anjus, ma si N ka ten amor, N ta sedu suma sinu ku na somna, o suma feru ku na majadu.

1 Koríntius 13:4

Amor i sufridur, i bon. Amor i ka nveẑosu; amor ka ta njata, i ka orgulyosu,

Kolosensis 3:14

Riba di tudu e kusa bo buri amor ku ta liga tudu kusa pa forma unidadi kompletu.

1 Tesalonisensis 3:12

N misti pa Siñor pui bo amor pa i kirsi, i darma un pa utru, i pa tudu jinti, suma tambi ku no amor darma pa bos.

2 Tesalonisensis 1:3

Ermons, no ten ku fala Deus obrigadu pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

1 Timótiu 1:5

N da e ordi pa disperta amor ku ta sai di un korson puru, di un bon konsiensia, di un fe ki ka di finjimentu.

Ebreus 13:1

Bo kontinua ama ŋutru suma ermons.

Tiagu 5:12

Riba di tudu, ña ermons, ka bo jurmenta, nin pa seu, nin pa tera, nin ka bo fasi utru koldadi juramentu. Bo palabra dibi di sedu “Sin” si i sin, “Nau” si i nau, pa ka bo kai na kondenason.

Tiagu 5:20

i ta sibi kuma, kil ku ribanta algin di si kamiñu mau, i na salba un alma di mortu, i na kubri manga di pekadu.

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

3 Jon 1:2

Ña kiridu ermon, N pidi Deus pa tudu kuri ben na bu vida, pa bu tene saudi, suma ku bu alma na bai ben.