1 Pedru 4:2 - BIBLIA - traduson antigu in Krioulo

² Gosi, dias ku sobra bos na vida, bo ka dibi di sigi mau diseẑu di omis di mundu, ma bo dibi di yanda suma ku Deus misti.

1 Pedru 4:2 ပူးပေါင်းရင်းမြစ်များ

Salmus 143:10

Nsinan fasi bu vontadi, pabia abo i ña Deus. Pui bu bon Spiritu pa i gian na con filadu.

Oseias 6:7

Ma elis e kebra kontratu suma Adon; e sedu infiel kontra mi.

Mateus 12:50

pabia kil ku ta fasi vontadi di ña Pape ku sta na seu, el ki ña ermon macu, ña ermon femia ku ña mame.”

Mateus 20:4

I fala elis: ‘Abos tambi bo bai tarbaja na orta; N na paga bos kil ki justu.’ Elis e bai.

Mateus 21:31

Kal de dus ku fasi ke ku se pape misti?” E falal: “Ki purmeru.” Jesus fala elis: “Na bardadi N na konta bos kuma, kobraduris di mpustu ku minjeris ku ta bindi se kurpu e na jumna bos yentra na renu di Deus.

Mateus 7:21

“I ka tudu jinti ku ta falan: ‘Siñor, Siñor,’ ku na yentra na renu di seu, ma son kil ku ta fasi vontadi di ña Pape ku sta na seu.

Markus 3:35

Kil ku ta fasi suma ku Deus misti, el ki ña ermon macu, ña ermon femia, ku ña mame.”

Markus 7:21

pabia i di dentru di korson di algin ki ta sai pensamentus mau, ku pekadu seksual, furtu, matansa,

Bon Noba di Jesus Kristu ku Jon 1:13

E ka sedu fijus di Deus pabia e padidu suma di kustumu, nin di se propi vontadi, nin di vontadi di omi, ma e padidu na familia di Deus.

Bon Noba di Jesus Kristu ku Jon 7:17

Si algin misti fasi vontadi di Deus, i ta sibi si e nsinamentu i di Deus, o si N na fala di mi propi.

Romanus 12:2

Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

Romanus 14:7

Nin un di nos ka na vivi son pa si kabesa, nin i ka na muri pa si kabesa.

Romanus 6:11

Asin tambi abos, bo fasi di konta kuma bo sta mortu pa pekadu, ma bo sta bibu pa Deus, juntu ku Kristu Jesus.

Romanus 6:2

Nunka! Anos ku muri ja pa pekadu, kuma ku no na kontinua nel?

Romanus 7:4

Asin tambi, ña ermons, bo sta mortu pa lei, manera ku bo sedu kurpu di Kristu, pa bo pudi sedu di utru, ku sedu kil ku lantandadu na metadi di mortus, pa no pudi da frutu pa Deus.

2 Koríntius 5:15

I muri pa tudu, pa tudu kilis ku na vivi, pa e ka vivi mas pa se kabesa, ma pa kil ku muri pa elis, i torna vivi.

Efésius 2:3

Na bardadi anos tudu no staba suma elis tambi; no ta yandaba konformi no naturesa umanu; no ta fasiba kualker kusa ku bin na no sintidu, ku no kurpu misti. Anos tambi, na no naturesa, suma utru jinti, no staba bas di raiba di Deus.

Efésius 4:17

Asin, na nomi di Siñor N na avisa bos. Ka bo yanda mas suma jinti ku ka kunsi Deus, ku tene pensamentu ku ka bali.

Efésius 5:17

Pabia des, ka bo sedu tulu, ma bo buska ntindi ke ku Siñor misti pa bo fasi.

Efésius 6:6

Ka bo tarbaja son na uju di bo mestre, pa jinti pudi kontenti ku bos, ma bo fasi kil ku Deus misti ku tudu bo korson, suma katibus di Kristu.

Kolosensis 1:9

Pa e roson anos tambi, disna di dia ku no obi e noba, no ka para ora pa bos; no pidi Deus pa i inci bos di kuñisimentu di si vontadi, ku tudu jiresa ku ntindimentu ku Spiritu ta da,

Kolosensis 3:3

pabia bo muri; bo vida sta sukundidu ku Kristu na Deus.

Kolosensis 4:12

Manteña di Epafras, utru membru di bo grupu, ki servu di Kristu, ku sempri i ta luta pa bos na orason, pa bo pudi fika firmi, bo sedu maduru na fe, bo fasi sempri tudu ku Deus misti.

1 Tesalonisensis 5:18

Bo fala obrigadu na tudu kusa, pabia asin ku Deus misti pa bo fasi na bo vida na Kristu Jesus.

Ebreus 13:21

pa i fasi bos kompletu na kil ki bon, pa bo pudi fasi si vontadi. N misti pa i fasi di nos kil ki misti pa no sedu, pa mon di Jesus Kristu, kil ku no na da gloria pa sempri. Amen.

Tiagu 1:18

Na si vontadi i padinu ku si palabra di bardadi, pa no pudi sedu suma si purmeru fijus.

1 Pedru 1:14

Suma fijus obdienti, ka bo forma bo vida konformi diseẑus mau ku bo tenba oca ku bo ka sibiba nada inda,

1 Pedru 2:1

Bo disa tudu mau maña, tudu nganu, finjimentu, nveẑa, ku tudu palabra mau.

1 Jon 2:17

E mundu na pasa, ku tudu si diseẑus mau, ma kil ku na fasi vontadi di Deus i na fika pa sempri.