1 Pedru 3:8 - BIBLIA - traduson antigu in Krioulo

⁸ Pa kabanta, abos tudu bo dibi di tene un pensamentu, bo dibi di sinti di mesmu manera; bo ama ŋutru suma ermons; bo sedu bondosu, tambi bo baŝa pa ŋutru.

1 Pedru 3:8 ပူးပေါင်းရင်းမြစ်များ

Salmus 103:13

Suma pape ta sinti amor pa si fijus, asin ku SIÑOR ta sinti amor pa kilis ku rispital,

Ditus 28:8

Kil ku ta ngaña si rikesa ku kobra juru ku splorason i na juntal pa algin ku ta pati koitadis.

Zakarias 7:9

“Asin ku SIÑOR ku ten tudu puder fala disna: ‘Bo fasi justisa di bardadi, bo mostra bondadi ku pena, kada un pa si ermon.

Mateus 18:33

Nta abo tambi bu ka dibi di tenba pena di bu kumpañer suma ku N tenba pena di bo?’

Lukas 10:33

Ma un omi di Samaria ku na bai bias ciga pertu del, i ojal, i sinti pena del,

Atus 2:1

Oca dia di Pentekostis ciga, e staba tudu juntadu na mesmu lugar.

Atus 27:3

Sol mansi, no ciga na Sidon. Júliu trata Paulu ku bondadi, i disal pa i bai jubi amigus, pa e pudi dal ke ki pirsisa.

Atus 28:7

Pertu di ki lugar i staba utru pontas ku pertensiba Públiu, ŝef di jiu, ku risibinu, i gasijanu diritu pa tris dia.

Atus 4:32

Ki manga di krenti teneba un pensamentu ku un korson. Ningin ka ta falaba: “E kusa li i di mi.” Tudu se kusas, e ta rapatil ku ŋutru.

Romanus 12:10

Bo ama ŋutru di tudu bo korson, suma ermons. Bo da ŋutru purmeru lugar ku rispitu.

Romanus 15:5

Deus ku ta da pasensa ku koraẑen ta juda bos pa bo sinti mesmu kusa pa ŋutru, pa sigi isemplu di Kristu Jesus,

1 Koríntius 1:10

Ermons, N pidi bos, na nomi di no Siñor Jesus Kristu, pa abos tudu bo fala un kusa son. Ka bo sedu divididu, ma bo uni na un pensamentu ku un sintidu.

1 Koríntius 12:26

Asin, si un parti na sufri, tudu ta sufri ku el. Si un parti ngabadu, tudu ta kontenti juntu ku el.

Efésius 4:2

ku tudu umildadi, mansesa ku pasensa. Bo nguenta ŋutru ku amor.

Efésius 4:31

Bo kaba ku tudu amargura, brabesa, raiba, gritaria, koba, ku tudu koldadi malisia na bo metadi.

Efésius 4:32

Bo sedu bon, bo sinti pena di ŋutru, bo purda ŋutru, suma tambi ku Deus purda bos na Kristu.

Filipensis 2:3

Ka bo fasi nada ku spiritu di kumbosadia o di garandesa, ma ku umildadi kada kin dibi di oja si kumpañer mas di ki el.

Filipensis 3:16

Konformi lugar ku no yangasa na vida spiritual, no bai pa dianti.

Kolosensis 3:12

Bo sedu pobu di Deus; i ama bos, i kuji bos pa bo sedu di sil. Asin bo ten ku bisti un korson di miserikordia, bondadi, umildadi, mansesa ku pasensa.

Ebreus 13:1

Bo kontinua ama ŋutru suma ermons.

Tiagu 2:13

Kilis ku ka ten miserikordia pa utrus, e na julgadu sin miserikordia. Miserikordia ta ngaña riba di julgamentu.

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.

Tiagu 5:11

No ta fala kuma kilis ku nguenta fadiga e sortiadu. Bo obi pasensa di Jo; bo oja fin ku Siñor dal, pabia Siñor ta sinti garandi pena ku miserikordia.

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

1 Pedru 2:17

Bo rispita tudu jinti, bo ama ermons, bo ten medu di Deus, bo rispita rei.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”

2 Pedru 1:7

riba di rispitu pa Deus bo buri ermondadi; riba di ermondadi bo buri amor.

1 Jon 3:14

No sibi kuma no kapli ja di mortu pa vida, pabia no ama no ermons. Kin ku ka ama si ermon i sta inda na mon di mortu.