1 Pedru 3:7 - BIBLIA - traduson antigu in Krioulo

⁷ Di mesmu manera, abos omis, bo yanda ku bo minjeris na ntindimentu, bo rispita elis pabia se kurpu i mas fraku, tambi pabia bo ten parti juntu na vida ku Deus da bos. Bo fasi asin pa ka nada taja bo orason dianti di Deus.

1 Pedru 3:7 ပူးပေါင်းရင်းမြစ်များ

Jo 42:8

Bo toma seti fiju di baka ku seti karnel macu, bo bai pa ña servu Jo, bo pursenta oferta kemadu pa bos. Ña servu Jo na ora pa bos; N na seta si orason, pa N ka trata bos konformi bo tulesa, pabia bo ka fala kusas retu aserka di mi suma ña servu Jo.”

Mateus 18:19

Inda N na konta bos, si dus di bos na tera konkorda na un kusa ku bo na pidi, ña Pape ku sta na seu i na fasi bos ki kusa,

1 Koríntius 7:3

Omi dibi di fasi si dever suma maridu. Minjer tambi dibi di fasi si dever suma minjer.

Efésius 3:6

Ki sigridu i kuma, pabia di Bon Noba, jintius ten parti juntu ku judeus na bon kusas ku Deus ta da. E juntadu na mesmu kurpu; e na ten parti na purmesa ku Deus fasi na Kristu Jesus.

Efésius 4:30

Ka bo pui Spiritu Santu di Deus pa i sta tristi, pabia Spiritu i un marka ku bo markadu ku el pa dia di libertason.

Efésius 5:33

ma tambi N na falal pa bos. Kada un di bos dibi di ama si propi minjer suma si kabesa. Minjer dibi di rispita si omi.

Efésius 6:18

Bo pui bo sintidu na orason ku pididu; bo ora tudu tempu na puder di Spiritu. Pa mesmu fin bo bisia, bo ora sin para, bo pidi sempri pa tudu pobu di Deus.

Kolosensis 3:19

Abos omis, kada kin ama si minjer; ka bo sedu brabu pa elis.

1 Tesalonisensis 4:4

Kada un di bos dibi di sibi manda riba di si kurpu na puresa ku rispitu.

Titu 3:7

pa no pudi ojadu justu dianti di Deus pabia di si fabur, pa no bin tene vida ku ka ta kaba, konformi speransa ku no ten.

Ebreus 1:14

Ke ku sedu anjus? Elis i spiritus ku ta sirbi, ku Deus manda pa e bin juda kilis ku na bin tene salbason.

1 Pedru 3:1

Di mesmu manera, abos minjeris, bo baŝa pa bo omis. Asin, si utrus ka seta palabra di Deus, e pudi ngañadu sin palabra, pa bon komportamentu di se minjeris.