1 Pedru 3:4 - BIBLIA - traduson antigu in Krioulo

⁴ ma bo fajamentu i di dentru di korson, un bistimentu ku ka ta dana, ku sedu spiritu mansu, ketu, ku ten balur dianti di Deus.

1 Pedru 3:4 ပူးပေါင်းရင်းမြစ်များ

Salmus 131:2

ma N pui ña korson fika ketu, susegadu, suma mininu ku tiradu na mama ta keta na mon di si mame. Asin ku ña korson sta dentru di mi.

Salmus 147:6

SIÑOR ta yalsa umildis, ma i ta bati jinti mau te na con.

Salmus 149:4

Pabia SIÑOR ta kontenti ku si pobu; i ta faja umildis ku salbason.

Salmus 25:9

I ta gia jinti mansu na kamiñu diritu, i ta nsina elis manera di yanda.

Salmus 45:13

Fiju femia di rei sta na si palasiu; jubi kuma ki bonitu! Si bistidu tisidu ku liña di uru.

Salmus 51:6

Bu ta kontenti ku bardadi na korson, bu ta inci ña kabesa ku jiresa.

Isaias 11:4

ma i na julga koitadis ku justisa; i na difindi diritu di jinti mansu na tera. Konformi si ordi, jinti na kastigadu, omis mau na matadu.

Isaias 29:19

Mansus na ten garandi kontentamentu na SIÑOR. Koitadis na kontenti na Deus Santu di Israel.

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Isaias 61:1

Spiritu di SIÑOR Deus sta riba di mi, pabia SIÑOR unjin pa N konta bon noba pa koitadis; i mandan pa N kura kebrantadus di korson, pa N anunsia liberdadi pa katibus, ku abertura di kalabus pa kilis ku ficadu,

Jeremias 51:59

Na kuartu anu di renansa di Zedekias, rei di Judá, i na baiba Babilonia ku si judadur ofisial, Seraias, fiju di Nerias, fiju di Maseias. Jeremias da Seraias un rekadu,

Mateus 11:29

Bo toma ña kanga pa bos, bo nsina di mi, pabia ami i mansu, umildi di korson; bo ta bin oja diskansu pa bo alma,

Mateus 21:5

“Bo fala prasa di Sion: ‘Ali bu Rei na bin pa bo, mansu, montadu na un buru, montadu na fijusiñu di buru, animal di kargu.’ ”

Mateus 23:26

Fariseu segu! Purmeru, limpa dentru di kopu ku pratu; asin parti di fora ta limpu tambi.

Mateus 5:5

“Sortiadu i kilis ki mansu, pabia e na bin yarda mundu.

Lukas 11:40

Tulus, nta kil ku fasi di fora, i ka fasi tambi di dentru?

Lukas 16:15

Jesus fala elis: “Abos i kilis ku ta misti mostra sedu bon dianti di jinti, ma Deus i kunsi bo korson, pabia kil ku omi ta garandisi, pa Deus i nujenti.

Romanus 1:23

Te pa e adora Deus ku ka ta muri, e torkial pa imaẑens ku parsi ku omi ku ta muri, ku kacus ku limarias ku bicus ku ta rasta.

Romanus 2:29

ma judeu i kilis ku sedu dentru delis, ku ten se korson purifikadu. I kusa di Spiritu, i ka di letra. Ki koldadi, i ka omi ku na ngaba elis, ma i Deus.

Romanus 6:6

No sibi kuma ki algin beju ku staba dentru di nos i krusifikadu ku Kristu, pa naturesa di peka pajigadu, pa ka no kontinua sirbi pekadu.

Romanus 7:22

Dentru di mi N gosta di lei di Deus,

2 Koríntius 10:1

Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

2 Koríntius 4:16

E ku manda no ka ta disanima. Kontudu no kurpu pa fora i na kai puku puku, ma kil di dentru i na arnobadu kada dia.

Gálatas 5:23

I ka ten lei kontra e kusas.

Efésius 4:2

ku tudu umildadi, mansesa ku pasensa. Bo nguenta ŋutru ku amor.

Kolosensis 3:12

Bo sedu pobu di Deus; i ama bos, i kuji bos pa bo sedu di sil. Asin bo ten ku bisti un korson di miserikordia, bondadi, umildadi, mansesa ku pasensa.

Kolosensis 3:3

pabia bo muri; bo vida sta sukundidu ku Kristu na Deus.

1 Tesalonisensis 4:11

Bo buska tene un vida susegadu, bo trata di bo propi nogos, bo tarbaja ku bo mon propi, suma ku no manda bos ja.

2 Tesalonisensis 3:12

No na manda fala elis, no pidi na nomi di no Siñor Jesus Kristu, pa e susega, e tarbaja, e sustenta se kabesa.

1 Timótiu 2:2

pa reis, ku tudu otridadi, pa no pudi tene un vida ketu, susegadu, ku tudu rispitu pa Deus, ku bon komportamentu.

2 Timótiu 2:25

mansu pa raprindi kilis ku sta kontra, pa talves Deus ta da elis ripindimentu, pa e pudi kunsi bardadi.

Titu 3:2

pa ka e fala mal di ningin, ka e buska palabra, ma pa e mostra pasensa, e sedu mansu pa tudu jinti.

Tiagu 1:21

Asin, bo nega tudu koldadi susidadi ku tudu restu di kabalindadi; bo risibi ku mansesa ki palabra ku parantadu na bos, ku ten puder pa salba bo alma.

1 Pedru 1:23

Palabra di Deus ku tene vida, ku ta fika pa sempri, i el ku pui pa bo padidu utru bias; bo ka padidu na pape ku ta muri, ma na pape ku ka ta muri.

1 Pedru 3:15

Bo rispita Kristu suma Siñor na bo korson. Bo sta sempri pruntu pa ruspundi kualker algin ku pidi bos pa bo splika aserka di speransa ku bo ten. Bo fasil ku mansesa ku rispitu,

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”