1 Pedru 3:10 - BIBLIA - traduson antigu in Krioulo

¹⁰ I sta skritu: “Kil ku misti ama vida, ku misti oja dia sabi, pa i frianta si lingua di mal, pa ka i papia mintida na si boka,

1 Pedru 3:10 ပူးပေါင်းရင်းမြစ်များ

Jo 2:4

Satanas ruspundi SIÑOR i falal: “Ma bu ka toka inda na si peli de! Omi ta da tudu ki tene pa guarda si vida.

Jo 33:28

Deus libran di koba; N sta bibu, N na oja lus.’

Jo 9:25

“Ña dias na pasa kinti-kinti mas di ki algin ku na kuri. E kuri e bai; nin N ka oja sabura.

Salmus 106:5

pa N pudi mati ora ku kusas na kuri diritu pa kilis ku bu kuji, pa N pudi sta alegri juntu ku bu nason, pa N kanta ku kontentamentu ku ki pobu ku bu yarda.

Salmus 27:13

N fia kuma N na oja bondadi di SIÑOR na tera di jinti bibu.

Salmus 49:19

i na bai junta ku jorson di si papes, ku ka na oja klaridadi.

Ditus 3:18

I sedu arvuri di vida pa kilis ku sugura nel; sortiadu tudu kilis ku pega nel.

Ditus 3:2

pabia e na buriu anus di vida; tudu na kuriu diritu.

Ditus 4:22

E sedu vida ku saudi pa kurpu di kilis ku oja elis.

Ditus 8:35

Kil ku ojan i na oja vida; i na ngaña fabur di SIÑOR.

Eklesiastis 2:3

Oca ku N na buska inda jiresa, N disidi miti na biñu, N pega vida di tulesa, pa N jubi kal ki minjor kusa ku omis pudi fasi na se puku tempu di vida bas di seu.

Mateus 19:17

Jesus puntal: “Pabia di ke ku bu na punta di un kusa bon? Un son ki bon. Si bu misti yentra na vida, bu ten ku obdisi mandamentus.”

Markus 8:35

Kin ku misti salba si vida i na pirdil, ma kin ku pirdi si vida pa amor di mi ku di Bon Noba i na salbal.

Bon Noba di Jesus Kristu ku Jon 1:47

Jesus oja Natanael na bin pa el, i falal: “Ali un israelita puru ku ka ten finjimentu.”

Bon Noba di Jesus Kristu ku Jon 12:25

Kin ku ama si vida i na pirdil; kin ku ne mundu nfastia si vida, i na tenel pa vida ku ka ta kaba.

Ripitison di Lei 32:47

E nsinamentu i ka sedu son palabra pa bos, ma i el ki bo vida. Si bo obdisil, bo na tarda manga di anu na tera ku bo na kamba Jordon pa bai tene.”

Tiagu 1:26

Si algin kuda kuma i sedu riliẑiosu, ma i ka frianta si lingua, i na ngana si korson; si riliẑion i ka nada.

1 Pedru 2:1

Bo disa tudu mau maña, tudu nganu, finjimentu, nveẑa, ku tudu palabra mau.

1 Pedru 2:22

I ka fasi pekadu, nin na si boka nganu ka obidu.

Apokalipsi 14:5

I ka ojadu nin un nganu na se boka, pabia e ka ten kulpa.