1 Pedru 2:9 - BIBLIA - traduson antigu in Krioulo

⁹ Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.

1 Pedru 2:9 ပူးပေါင်းရင်းမြစ်များ

Salmus 106:5

pa N pudi mati ora ku kusas na kuri diritu pa kilis ku bu kuji, pa N pudi sta alegri juntu ku bu nason, pa N kanta ku kontentamentu ku ki pobu ku bu yarda.

Salmus 118:27

SIÑOR, el ki Deus; i danu lus. Bo toma kordas, bo mara limaria di sakrifisiu di festival, bo lebal te na pontas di altar.

Salmus 135:4

SIÑOR kuji Jakó pa i sedu di sil; i kuji Israel pa i sedu si propi pobu ki ama.

Salmus 22:30

Jorsons di futuru na sirbil, e na kontadu aserka di SIÑOR.

Salmus 33:12

Sortiadu i ki nason ku tene SIÑOR suma si Deus; sortiadu i ki pobu ki kuji pa si yardansa.

Salmus 73:15

Si N papiaba palabras suma es, N na seduba falsu pa bu fijus.

Isaias 26:2

Bo yabri porton pa nason justu pudi yentra, nason ku sedu fiel.

Isaias 41:8

“Ma abo, Israel, ña servu, abo, Jakó, kil ku N kuji, jorson di ña amigu Abraon,

Isaias 42:16

N na gia segus na kamiñu ke ka kunsi nunka, N na pui elis pa e yanda na kamiñu ku ka kunsidu. N na bidanta sukuru lus se dianti; N na filanta kusas tortu. N na fasi elis e kusas, N ka na bandona elis mas.

Isaias 44:1

Asin ku SIÑOR fala: “Abo Jakó, ña servu, sukutan, abo Israel, ku N kuji.

Isaias 61:6

Bo na comadu saserdotis di SIÑOR, ministrus di no Deus. Bo na kume rikesa di nasons; bo na njata na se gloria.

Isaias 62:12

E na comadu Pobu di Deus, Pobu ku SIÑOR Kaplinti. Abo, bu na comadu Prasa Buskadu, Prasa ku ka bandonadu.

Isaias 66:21

N na kuji utrus na se metadi pa e sedu saserdotis ku levitas.” Asin ku SIÑOR fala.

Isaias 9:2

Jinti ku na yandaba na sukuru e oja garandi lus; kilis ku moraba na lugar di sombra di mortu, lus numia elis.

Malakias 3:17

SIÑOR ku ten tudu puder fala: “Elis e na sedu di mi; na ki dia ku N marka, e na sedu ña rikesa spesial; N na guarda elis suma ku omi ta guarda si fiju ku ta sirbil.

Mateus 4:16

Jinti ku staba sintadu na sukuru e oja un garandi lus; kilis ku moraba na lugar na sombra di mortu, lus numia elis.”

Mateus 5:16

Asin tambi ku bo dibi di fasi bo lus pa i numia dianti di jinti, pa e pudi oja kusas bon ku bo ta fasi, pa e pudi ngaba bo Pape ku sta na seu.

Lukas 1:79

pa numia kilis ku sinta na sukuru, na sombra di mortu, pa gia no pe na kamiñu di pas.”

Bon Noba di Jesus Kristu ku Jon 17:19

Pa amor delis N na santifika ña kabesa, pa elis tambi e pudi santifikadu na bardadi.

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

Atus 26:18

pa bu yabri se uju, pa bu pui elis pa e konverti di sukuru pa lus, di puder di Satanas pa Deus, pa e pudi ten fe na mi, pa se pekadu purdadu, e risibi yardansa na metadi di kilis ku Deus santifika.’

Atus 26:28

Agripa fala Paulu: “Mas un bokadu bu ta bidantan Kriston!”

Romanus 9:24

Deus comanu tambi, i ka son na metadi di judeus, ma tambi na metadi di jintius.

1 Koríntius 3:17

Si algin dana santuariu di Deus, Deus ta dana si dunu tambi, pabia santuariu di Deus i son pa el; abos ku sedu ki santuariu.

Efésius 1:14

I Spiritu ku ta garantinu ku no na risibi kil ku Deus fala i na da si fijus. Es ta mostra kuma i na da liberdadi kompletu pa kilis ki di sil, pa si gloria pudi ngabadu.

Efésius 1:6

No ngaba Deus pa si oferta gloriosu ki danu di grasa na si Fiju amadu.

Efésius 3:21

el pa i dadu gloria na igreẑa na Kristu Jesus, di un jorson pa utru, pa tudu sempri! Amen.

Ripitison di Lei 10:15

SIÑOR pui sintidu na bu papes, i ama elis; dipus i kuji bos, se fijus, na metadi di tudu nasons; bo sedu si pobu te aos.

Ripitison di Lei 14:2

Abos i pobu sagradu pa SIÑOR bo Deus. SIÑOR kuji bos di tudu rasas na mundu pa bo sedu si pobu spesial.

Ripitison di Lei 18:2

E ka na tene yardansa na metadi di se ermons; i SIÑOR ku sedu se yardansa, suma ki purmiti.

Ripitison di Lei 4:20

Abos i pobu ku Deus toma, i tira di furnu kinti di Ejitu, pa bo sedu pobu di si yardansa propi, suma ku bo sedu aos.

Ripitison di Lei 7:6

Abos i pobu sagradu pa SIÑOR bo Deus. El i kuji bos na metadi di tudu rasas na mundu pa bo sedu si propi pobu spesial.

Filipensis 3:14

N na kuri diritu pa fin di kurida, pa N pudi ngaña premiu ku Deus coman pa el na seu, na Kristu Jesus.

Kolosensis 1:13

El i kaplintinu di puder di sukuru; i kambantanu pa renu di si Fiju amadu,

2 Timótiu 1:9

I salbanu, i comanu pa no sedu si pobu. I ka pabia di kil ku no fasi, ma pabia di si planu, ku si fabur. I danu e fabur pabia di Kristu Jesus, antis di kumsada di tempu,

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

1 Pedru 1:2

Deus pui sintidu na bos desdi antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di fabur ku pas.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.

1 Pedru 4:11

Si algin na papia, pa i papia suma ki ntregadu rekadu di Deus. Si algin na sirbi, pa i sirbi konformi forsa ku Deus dal, pa Deus pudi ngabadu na tudu, na nomi di Jesus Kristu, kil ku gloria ku puder pertensi pa tudu sempri. Amen.

Apokalipsi 1:6

i pui pa no rena, pa no sedu saserdotis pa sirbi Deus si Pape. El pa i dadu gloria ku puder pa sempri. Amen.

Apokalipsi 20:6

Kilis ku ten parti na purmeru resureison i sortiadu, e pertensi Deus. Sugundu mortu ka ten puder riba delis, ma e na sedu saserdotis di Deus ku di Kristu. E na rena ku el mil anu.

Apokalipsi 5:10

Bu fasi elis reis ku saserdotis pa e sirbi no Deus; e na rena riba di mundu.”

1 Samuel 12:22

Pabia di si garandi nomi SIÑOR ka na nega si pobu, pabia i seduba si vontadi propi pa fasi bos si pobu.