1 Pedru 2:18 - BIBLIA - traduson antigu in Krioulo

¹⁸ Abos katibus, bo baŝa pa bo dunus ku tudu rispitu; i ka son pa bon dunus ku ta trata ben, ma pa ki maus tambi.

1 Pedru 2:18 ပူးပေါင်းရင်းမြစ်များ

Salmus 101:4

N nega tudu pensamentu tortu; N ka misti tene ligason ku mal.

Ditus 10:32

Jinti justu ta sibi papia bon palabra, ma jinti mau ta papia son palabra tortu.

Ditus 11:20

SIÑOR nuju jinti ku tene korson tortu, ma i ta kontenti ku kilis ku ta yanda sin kulpa.

Ditus 3:32

pabia SIÑOR i nuju kil ku ta yanda mal, ma i ta mostra si sigridu pa kilis ku tene korson di bardadi.

Ditus 8:13

Pa rispita SIÑOR i pa nuju mal. Ami N nuju orgulyu, ronku, kamiñu mau, ku palabras di mintida.

2 Koríntius 10:1

Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Titu 3:2

pa ka e fala mal di ningin, ka e buska palabra, ma pa e mostra pasensa, e sedu mansu pa tudu jinti.

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.