1 Pedru 2:16 - BIBLIA - traduson antigu in Krioulo

¹⁶ Bo yanda na liberdadi, ma ka bo usa liberdadi pa kubri mal ku el. Bo yanda suma katibus di Deus.

1 Pedru 2:16 ပူးပေါင်းရင်းမြစ်များ

Mateus 23:13

“Koitadi di bos, pursoris di lei ku fariseus, finjiduris! Bo ta fica porta di renu di seu na rostu di jinti. Abos bo ka ta yentra; nin kilis ku sta pa yentra, bo ka ta seta elis yentra. [

Bon Noba di Jesus Kristu ku Jon 15:22

Si ami N ka binba, nin N ka fala ku elis, e ka ta tenba kulpa na se pekadu, ma gosi e ka ten diskulpa di se pekadu.

Romanus 6:18

Bo libradu di pekadu; bo fasidu katibu pa fasi ben.

Romanus 6:22

Ma gosi, bo sta libri di pekadu, bo fasidu katibus di Deus. Frutu ku bo tene gosi na leba bos pa puresa, dipus pa vida ku ka ta kaba.

1 Koríntius 7:22

Kil ku Siñor coma, mesmu ki sedu katibu, i omi libri ku pertensi Siñor. Kil tambi ku comadu, nin ki sedu libri, i katibu di Kristu.

Gálatas 5:1

Kristu libertanu pa no sedu libri. Bo fika firmi. Ka bo seta torna maradu mas na korenti di katiberasku.

Gálatas 5:13

Abos, ermons, bo comadu pa liberdadi; ma ka bo usa liberdadi suma diskulpa pa disa vontadi di bo kurpu manda na bos, ma bo sirbi ŋutru ku amor.

Efésius 6:6

Ka bo tarbaja son na uju di bo mestre, pa jinti pudi kontenti ku bos, ma bo fasi kil ku Deus misti ku tudu bo korson, suma katibus di Kristu.

Kolosensis 3:24

Bo lembra kuma Siñor na paga bos ku ki kusa ki rakada pa si pobu, pabia i Kristu ki Mestre ku bo na sirbi.

1 Tesalonisensis 2:5

Bo sibi klaru kuma no palabra nunka ka sedu di ngodu nin pa sukundi risu mon. Deus i ña tustumuña.

Tiagu 1:25

ma kil ku jubi diritu pa lei pirfitu ku ta liberta, i pega nel, i ka sedu son obidur ku ta diskisi, ma fasidur di kil ku palabra fala, si dunu ta sedu sortiadu na kil ki ta fasi.

Tiagu 2:12

Bo fala, bo yanda, suma jinti ku na julgadu pa lei ku ta liberta.

2 Pedru 2:19

E fala e na da elis liberdadi, ma elis propi e sedu katibu di visius ku na dana elis, pabia un algin i katibu di kil ku na manda nel.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.