1 Pedru 1:8 - BIBLIA - traduson antigu in Krioulo

⁸ Bo ka ciga di oja Jesus, ma bo amal. Bo ka na ojal gosi ma bo fia nel. E ku manda bo kontenti ku garandi alegria gloriosu ku ka pudi kontadu,

1 Pedru 1:8 ပူးပေါင်းရင်းမြစ်များ

Kantiga di Salomon 1:7

Abo ku N ama di korson, kontan nunde ku bu ta bakia bu karnel. Nunde ku bu ta leba elis pa e diskansa na me-dia? Ke ku manda N na parsi suma kin ku yara ku kamiñu, N na yanda-yanda pertu di karnel di bu kumpañeris?

Kantiga di Salomon 5:16

Si manera di papia i sabi dimas; N ta dijal na tudu si manera. Minjeris di Jerusalen, i asin ku ña amadu sedu; i asin ku ña amigu sta.

Kantiga di Salomon 5:9

Abo, minjer mas bonitu na metadi di utrus, bu amadu i kin? I mas di ki tudu utrus? Manera ku bu na roganu asin, i pabia i mas nan tudu utru amadus?

Mateus 10:37

Kin ku gosta di si pape o mame mas di ki mi, i ka mersi sedu di mi; kin ku gosta di si fiju macu o femia mas di ki mi i ka mersi sedu di mi.

Bon Noba di Jesus Kristu ku Jon 14:15

“Si bo aman, bo ta obdisi ña mandamentus.

Bon Noba di Jesus Kristu ku Jon 14:21

Kin ku tene ña mandamentus, i obdisi elis, i el ku aman. Kin ku aman, ña Pape tambi ta amal; ami N ta amal, N ta mostral ami i kin.”

Bon Noba di Jesus Kristu ku Jon 14:24

Kin ku ka aman i ka ta obdisi ña palabra. Palabra ku bo obi i ka di mi, ma i di ña Pape ku mandan.

Bon Noba di Jesus Kristu ku Jon 16:22

Asin tambi, abos gosi na bardadi bo tene kasabi, ma N na torna oja bos; bo korson na inci alegria; ningin ka na pudi tira bos el.

Bon Noba di Jesus Kristu ku Jon 20:29

Jesus falal: “Tome, bu fia pabia bu ojan. Sortiadu i kilis ku ka oja, ma e fia.”

Bon Noba di Jesus Kristu ku Jon 8:42

Jesus fala elis: “Si Deus seduba bo Pape, na bardadi bo na amanba, pabia ami N bin di Deus, N ka bin di mi propi, ma i el ku mandan.

Atus 16:34

I leba Paulu ku Silas pa si kasa, i pui elis kumida na mesa. El ku tudu si familia e kontenti suma ke pui ja se fiansa na Deus.

Romanus 14:17

Renu di Deus i ka kumida, nin bibida, ma i pa tene vida justu ku pas ku alegria ku Spiritu Santu ta da.

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

1 Koríntius 16:22

Si algin ka ama Siñor, pa i sedu maldisuadu. Maranata! Siñor, bin!

2 Koríntius 1:22

I el tambi ku punu si marka, i danu si Spiritu dentru di no korson suma garantia.

2 Koríntius 12:4

kuma i rabatadu pa Paraísu, i obi palabra sukundidu ku boka di omi ka pudi konta.

2 Koríntius 4:18

No ka na jubi na kusas ku ta ojadu, ma na kilis ku ka ta ojadu, pabia kusas ku ta ojadu na pasa, ma kilis ku ka ta ojadu ka ta kaba.

2 Koríntius 5:7

No na yanda na fe, i ka na kil ku no na oja.

2 Koríntius 9:15

Deus obrigadu pa garandi kusa ki danu ku no ka pudi konta!

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Efésius 3:19

N misti pa bo kunsi si amor, kontudu i mas no ntindimentu, pa bo inci kun ku tudu ku Deus sedu.

Efésius 6:24

tambi pa fabur di Deus sta ku tudu kil ku ama no Siñor Jesus Kristu ku amor di bardadi.

Filipensis 1:25

Suma ku N ten e sertesa, N sibi kuma N na bibu inda; N na fika ku bos tudu pa juda bos avansa na fe ku mas alegria,

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

Filipensis 4:4

N pidi bos, bo kontenti sempri na Siñor. Utru bias N na ripiti: Bo kontenti.

Ebreus 11:1

Fe i sertesa di kusas ku no na pera; i proba di kil ku no ka oja.

Ebreus 11:27

I fe ku pul i sai na Ejitu, i ka medi raiba di rei. I fika firmi suma kin ku na oja Deus ku ka ta ojadu.

1 Pedru 1:6

Es i un roson pa bo sinti garandi alegria, kontudu i pudi pirsisadu pa bo fika tristi pa un tempu pabia di manga di koldadi probason ku pudi bin.

1 Pedru 2:7

E pedra i ten garandi balur pa bos ku fia, ma pa kilis ku ka fia: “Pedra ku pedrerus nega i bin sedu purmeru pedra di kantu.”

1 Pedru 5:4

Ora ku Ŝef di Pastoris bin, bo na risibi koroa di gloria ku ka ta murca.