1 Pedru 1:22 - BIBLIA - traduson antigu in Krioulo

²² Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

1 Pedru 1:22 ပူးပေါင်းရင်းမြစ်များ

Bon Noba di Jesus Kristu ku Jon 15:17

Kusa ku N na manda bos i pa bo ama ŋutru.

Bon Noba di Jesus Kristu ku Jon 15:3

Abos bo sta ja limpu pabia di palabra ku N fala bos.

Bon Noba di Jesus Kristu ku Jon 17:17

Santifika elis na bardadi; bu palabra i bardadi.

Bon Noba di Jesus Kristu ku Jon 17:19

Pa amor delis N na santifika ña kabesa, pa elis tambi e pudi santifikadu na bardadi.

Atus 15:9

I ka fasi nin un diferensa entri elis ku nos. Suma e fia, i purifika se korson.

Atus 6:7

Asin palabra di Deus na spajaba kada bias mas. Numeru di krentis na buri ciu na Jerusalen. Manga di saserdoti seta fe di Jesus.

Romanus 1:5

Pabia del no risibi fabur di sedu apostolus pa amor del, pa leba jinti di tudu rasa pa e obdisil, e fia nel.

Romanus 2:8

ma kilis ku na fasi se propi vontadi, ku nega sigi bardadi, e misti son mal, e na risibi son raiba ku kastigu.

Romanus 8:13

Si bo yanda suma ku bo kurpu misti, bo na muri, ma si, na puder di Spiritu, bo mata kustumus di bo kurpu, bo ta vivi.

2 Koríntius 6:6

No mostra pabia di no vida limpu, no ntindimentu, no pasensa, no bondadi, pabia di Spiritu Santu, ku no amor di bardadi,

Gálatas 3:1

Abos tulus di Galásia! Kin ku mbarianta bos? Mortu di Jesus Kristu na krus staba klaru na bo uju.

Gálatas 5:5

Suma nos, no speransa ku no na pera i pa no ojadu justu pa tarbaju di Spiritu di Deus pabia di no fe.

Gálatas 5:7

Bo na kuriba diritu. Kin ku bin tuji bos sigi bardadi?

Efésius 4:3

Bo fasi forsa pa ten ligason di pas pa guarda suguru ki unidadi ku Spiritu ta da.

Filipensis 1:9

Es i ña orason, pa bo amor buri kada bias mas, na kuñisimentu, tambi ku tudu ntindimentu,

1 Tesalonisensis 3:12

N misti pa Siñor pui bo amor pa i kirsi, i darma un pa utru, i pa tudu jinti, suma tambi ku no amor darma pa bos.

2 Tesalonisensis 1:3

Ermons, no ten ku fala Deus obrigadu pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

2 Tesalonisensis 2:13

Ermons ku Siñor ama, no ten ku fala Deus obrigadu pa bos sempri, suma ki kuji bos disna di kumsada pa salbason, pa Spiritu pudi fasi bos si pobu santu, pabia di bo fe na bardadi.

1 Timótiu 1:3

Oca ku N na baiba pa Masedonia, N rogau pa bu fika na Éfesu, pa manda sertu jinti pa e para ku nsinamentus falsu,

1 Timótiu 1:5

N da e ordi pa disperta amor ku ta sai di un korson puru, di un bon konsiensia, di un fe ki ka di finjimentu.

1 Timótiu 4:12

Ka ningin lebsiu suma ku bu nobu inda, ma sedu isemplu pa krentis, na bu palabra, na bu manera, na amor, na fe, na puresa.

1 Timótiu 5:2

Trata minjeris beju suma bu mame, minjeris nobu suma bu irmas, na un manera puru.

2 Timótiu 1:14

Ku ajuda di Spiritu Santu ku mora na nos, guarda ki rikesa ku bu ntregadu.

Ebreus 11:8

I fe ku pui Abraon kudi oca Deus comal; i bai pa un lugar ki tenba ku risibi pa yardansa. Oca i sai di si tera, i ka sibiba nunde ki na bai.

Ebreus 13:1

Bo kontinua ama ŋutru suma ermons.

Ebreus 5:9

Oca i fasidu pirfitu, i bin sedu fonti di salbason ku ka ta kaba pa tudu kilis ku obdisil.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

Tiagu 1:21

Asin, bo nega tudu koldadi susidadi ku tudu restu di kabalindadi; bo risibi ku mansesa ki palabra ku parantadu na bos, ku ten puder pa salba bo alma.

Tiagu 4:8

Bo ciga pertu di Deus; i ta ciga pa bos. Bo limpa bo mon, abos ku ta fasi pekadu; abos di dus sintidu, bo purifika bo korson.

1 Pedru 1:2

Deus pui sintidu na bos desdi antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di fabur ku pas.

1 Pedru 2:17

Bo rispita tudu jinti, bo ama ermons, bo ten medu di Deus, bo rispita rei.

1 Pedru 3:1

Di mesmu manera, abos minjeris, bo baŝa pa bo omis. Asin, si utrus ka seta palabra di Deus, e pudi ngañadu sin palabra, pa bon komportamentu di se minjeris.

1 Pedru 3:20

ku sedu kilis ku nega obi na tempu di Noe, oca ku Deus na pera ku pasensa kontra barku na kumpudu. Jinti ku staba na ki barku e puku, son oitu. Yagu boianta elis tok e salba.

1 Pedru 3:8

Pa kabanta, abos tudu bo dibi di tene un pensamentu, bo dibi di sinti di mesmu manera; bo ama ŋutru suma ermons; bo sedu bondosu, tambi bo baŝa pa ŋutru.

1 Pedru 4:17

I ciga ja tempu pa julgamentu kumsa na pobu di Deus. Si i kumsa na nos, kal ku na sedu fin di kilis ku nega obi Bon Noba di Deus?

1 Pedru 4:8

Riba di tudu, bo ama ŋutru ku tudu bo korson, pabia amor ta kubri manga di pekadu.

2 Pedru 1:7

riba di rispitu pa Deus bo buri ermondadi; riba di ermondadi bo buri amor.

1 Jon 3:11

Palabra ku bo obi disna di kumsada i es, pa no ama ŋutru.

1 Jon 3:23

Es i si mandamentu, pa no fia na nomi di si Fiju Jesus Kristu, pa no ama ŋutru suma ki manda.

1 Jon 4:12

Ningin ka ciga di oja Deus, ma si no ama ŋutru, Deus sta na nos; si amor sta kompletu na nos.

1 Jon 4:20

Si algin fala kuma i ama Deus, ma i nfastia si ermon, i munturus, pabia kil ku ka ama si ermon ki oja, kuma ki pudi ama Deus ki ka oja?

1 Jon 4:7

Ña kiridu ermons, no ama ŋutru, pabia amor i di Deus. Tudu kil ku ten amor i fiju di Deus; i kunsi Deus.

Apokalipsi 2:4

“‘Ma N tene un kusa kontra bo: bu ka aman gosi suma ku bu amanba na kumsada.