1 Pedru 1:20 - BIBLIA - traduson antigu in Krioulo

²⁰ Na bardadi i kujidu antis di mundu kumpudu, ma i parsi ne tempu di kabantada pa amor di bos.

1 Pedru 1:20 ပူးပေါင်းရင်းမြစ်များ

Kumsada 3:15

N na pui inimisadi na metadi di bo ku minjer, na metadi di bu jorson ku jorson di minjer. I na masau na kabesa, bu na murdil na kalkañada.”

Ditus 8:23

Disna di iternidadi N kujidu, disna di kumsada, antis di mundu kumpudu.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Atus 2:23

Deus sibiba ja ke ku na sedu. Konformi si planu, bo ntregadu Jesus. Bo tomal, bo krusifikal, bo matal pa mon di omis malvadu,

Romanus 3:25

Deus dal pa i sedu sakrifisiu, pa jinti pudi fia, pa e purdadu se pekadu, pabia di si sangi. Asin Deus mostra manera ki sedu justu. Na tempu ku pasa, na si pasensa, i purda elis pekadu ke fasi,

Romanus 8:29

Kilis ki kunsi disna di kumsada, tambi i distinaba ja elis pa e parsi suma si Fiju, pa ki Fiju pudi sedu garandi na metadi di manga di ermon.

Gálatas 4:4

Oca tempu propi ciga, Deus manda si Fiju, ku padidu di minjer, i kria bas di lei,

Efésius 1:10

E planu, ku Deus na kompleta ora ku tempu ciga, i pa junta tudu ki kumpu, na seu suma na tera, pa fasi un son, ku Kristu suma kabesa.

Efésius 1:4

Mesmu antis di mundu kumpudu, Deus kujinuba ja na Jesus pa no sedu si pobu, sin kulpa si dianti, incidu di amor.

Efésius 3:11

Es i sedu konformi si planu iternu ki bin fasi pa meiu di Kristu Jesus no Siñor.

Efésius 3:9

tambi pa mostra tudu jinti kuma ku e planu sukundidu di Deus na pudu na pratika. Deus, ku kumpu tudu kusa, i sukundi e sigridu tudu tempu ku pasa,

Kolosensis 1:26

pa anunsia sigridu ku staba sukundidu di tudu jinti duranti tudu tempu ku pasa ja, ma gosi i diskubridu pa pobu di Deus.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Ebreus 1:2

kil ki pui pa i yarda tudu kusa, ki kumpu mundu tambi pa si mon.

Ebreus 2:14

Suma ku fijus ta junta karni ku sangi, asin tambi ku el i junta ne mesmu kusas, pa i pudi muri; pabia di si mortu i pudi vensi kil ku ten puder riba di mortu, ku sedu diabu,

Ebreus 9:26

Si i asin, i tenba di sufri manga di bias disna di kumsada di mundu, ma gosi, na kabantada di tempu, i parsi un bias pa sempri pa sakrifika si vida pa kaba ku pekadu.

1 Pedru 1:2

Deus pui sintidu na bos desdi antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di fabur ku pas.

1 Jon 1:2

Ki vida bin bida na manera ki pudi ojadu. Anos no ojal, no konta aserka del; no diklara bos ki vida ku ka ta kaba ku staba ku si Pape, ku no bin mostradu.

1 Jon 3:5

Bo sibi kuma Kristu bin pa tira no pekadus. El i ka tene pekadu.

1 Jon 3:8

Kin ku ta fasi pekadu i di diabu, pabia diabu peka disna di kumsada. I pa e fin ku Fiju di Deus bin, pa kaba ku kusas ku diabu fasi.

Apokalipsi 13:8

Tudu jinti ku sta na tera adoral, menus kilis ku se nomi sta skritu disna di kumsada di mundu na libru di Karnel ku matadu, ki libru ku tene nomi di jinti ku tene vida.