1 Pedru 1:17 - BIBLIA - traduson antigu in Krioulo

¹⁷ Si na orason bo ta coma Pape kil ku ka ta diferensia jinti, ma i ta julga kada kin konformi kusas ki fasi, bo yanda na rispitu pa el tudu tempu ku bo sta suma ospri ne mundu.

1 Pedru 1:17 ပူးပေါင်းရင်းမြစ်များ

Kumsada 47:9

Jakó ruspundi Faraó: “Anus di ña bias ne vida i sentu i trinta anu. E anus pikininu, kansadu. E ka ciga numeru di anus di ña papes na se bias ne vida.”

1 Kronikas 29:15

Anos i stranjerus bu dianti, ospris suma ku tudu no papes seduba. No vida ne mundu i ta pasa suma sombra; no ka ten speransa di fika li.

2 Kronikas 19:7

Bo ba ta rispita SIÑOR, bo toma sintidu na ke ku bo na fasi, pabia na SIÑOR no Deus i ka ten injustisa; i ka ta fasi skuju di jinti, nin i ka ta seta suku di bas.”

Jo 34:19

Ku fadi kil ku ka ta toma parti di ŝefis, nin i ka ta rispita riku mas di ki koitadi, pabia elis tudu i tarbaju di si mon.

Salmus 39:12

SIÑOR, obi ña orason; sukutan ora ku N na yalsa ña fála. Ka bu kala dianti di ña larmas, pabia N sedu suma ospri na bu kau, stranjeru suma ku tudu ña papes seduba.

Salmus 89:26

El i na coman, i fala: ‘Abo i ña Pape, ña Deus, Roca ku ta salban’

Ditus 14:16

Jiru ta toma sintidu, i jingi di mal, ma tulu ta tene sangi kinti, i ka ta nota pa pirigu.

Ditus 28:14

Sortiadu i omi ku ta rispita SIÑOR sempri, ma kil ku ndurusi si korson na bin kai na mal.

Jeremias 3:19

Ami N fala: “N misti teneu suma ña fiju, N dau tera bonitu, yardansa mas bon di ki utru nasons. N pensa: E na coman Pape, e ka na disvia mas di mi.

Sofonias 3:9

“Na ki tempu N na purifika boka di nasons, pa elis tudu e pudi coma nomi di SIÑOR, e sirbil ku un mesmu sintidu.

Mateus 16:27

Fiju di omi na bin bin na gloria di si Pape, ku si anjus; i na paga kada kin konformi kusa ki fasi.

Mateus 22:16

E manda se disipulus juntu ku utrus di partidu di Erodis. E bai fala Jesus: “Mestre, no sibi kuma bu ta konta bardadi, bu ta nsina kamiñu di Deus konformi bardadi. Bu ka ta bari ningin paja, nin bu ka ta jubi pa rostu di ningin.

Mateus 6:9

E ku manda bo dibi di ora asin: ‘No Pape ku sta na seu, no misti pa bu nomi rispitadu,

Romanus 11:20

I sta bon! E kebradu pabia di se falta di fe. Abo bu sta firmi pabia di bu fe. Ka bu ronka, ma ten medu.

2 Koríntius 1:2

N misti pa Deus no Pape ku Siñor Jesus Kristu da bos fabur ku pas.

2 Koríntius 5:6

E ku manda no sta sempri animadu. No sibi kuma, nkuantu no mora ne kurpu li, no ka ta sta juntu ku Siñor.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

2 Koríntius 7:11

Bo jubi kuma ku Deus usa e bo tristesa, pa bo toma kusa ku seredadi, pa difindi bo kabesa, bo sinti raiba, ku medu, ku saudadi, ku interes garandi; bo staba pruntu pa kastiga ki mal; na tudu bo mostra sin kulpa ne asuntu.

Gálatas 2:6

Kilis ku parsiba kuma e sedu garandis di igreẑa (ma se garandesa i ka nada pa mi; Deus ka ta jubi parsensa di jinti); N fala: esis ku parsiba sedu garandis, e ka dan nobu ideia,

Efésius 1:17

N pidi Deus di no Siñor Jesus Kristu, Pape gloriosu, pa i da bos si Spiritu ku na fasi bos pa bo jiru, ku na mostra bos Deus, pa bo pudi kunsil.

Efésius 3:14

I pabia di kila ku N ta finka juju dianti di no Pape,

Efésius 6:9

Abos mestres, bo trata elis di ki mesmu manera; bo disa di fasi ameasa. Bo lembra kuma abos ku elis bo tene mesmu mestre na seu, ku ka ta fasi skuju.

Ripitison di Lei 10:17

SIÑOR bo Deus i Deus riba di tudu deusis, SIÑOR riba di tudu siñoris, Deus garandi, ku jinti dibi di medi, ku ten puder, ku ka ta fasi skuju nin i ka ta seta suku di bas.

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

Kolosensis 3:25

Kada algin ku fasi mal i na pagadu mal ki fasi, pabia Deus ka ta fasi diferensa di jinti.

Ebreus 12:28

Renu ku no risibi ka pudi bulbulidu. Asin no ba ta fala Deus obrigadu, no adoral ku rispitu, ku medu, suma ki misti,

Ebreus 4:1

Suma no ten inda purmesa di yentra na si lugar di diskansu, no toma sintidu pa ka nin un di bos bin falia, i pirdi entrada,

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.

1 Pedru 3:15

Bo rispita Kristu suma Siñor na bo korson. Bo sta sempri pruntu pa ruspundi kualker algin ku pidi bos pa bo splika aserka di speransa ku bo ten. Bo fasil ku mansesa ku rispitu,