1 Pedru 1:15 - BIBLIA - traduson antigu in Krioulo

¹⁵ ma, suma kil ku coma bos i puru, bo sedu tambi puru na tudu ku bo na fasi,

1 Pedru 1:15 ပူးပေါင်းရင်းမြစ်များ

Isaias 35:8

I na ten un strada la na kau altu ku na comadu Kamiñu di Puresa. Kil ku ka puru ka na pasa nel. Kilis ku na yanda nel, nin si e ka muitu jiru, e ka na yara.

Isaias 6:3

E na gritaba ŋutru, e na fala: “Santu, santu, santu; SIÑOR ku ten tudu puder i santu! Tudu mundu inci ku si gloria.”

Mateus 5:48

Bo sedu pirfitu suma bo Pape ku sta na seu.

Romanus 9:24

Deus comanu tambi, i ka son na metadi di judeus, ma tambi na metadi di jintius.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Filipensis 3:14

N na kuri diritu pa fin di kurida, pa N pudi ngaña premiu ku Deus coman pa el na seu, na Kristu Jesus.

Filipensis 3:20

Ma anos, no prasa i na seu; di la ku no na pera Salbadur, Siñor Jesus Kristu, ku na bin

1 Tesalonisensis 2:12

no ngoda bos pa bo yanda na manera dignu di Deus ku coma bos pa si renu ku si gloria.

1 Timótiu 4:12

Ka ningin lebsiu suma ku bu nobu inda, ma sedu isemplu pa krentis, na bu palabra, na bu manera, na amor, na fe, na puresa.

2 Timótiu 1:9

I salbanu, i comanu pa no sedu si pobu. I ka pabia di kil ku no fasi, ma pabia di si planu, ku si fabur. I danu e fabur pabia di Kristu Jesus, antis di kumsada di tempu,

Titu 3:14

No jinti dibi di buska sibi pui sintidu na bon tarbaju, pa e tene tudu ki pirsis, pa ka e sedu amonton.

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.

Ebreus 12:14

Bo buska ten pas ku tudu jinti; bo buska tambi un vida puru, pabia sin el ningin ka na oja Siñor.

Ebreus 13:5

Bo libra di faimadesa di diñeru. Bo fika kontenti ku kil ku bo tene, pabia Deus fala: “N ka na disau, nin N ka na bandonau.”

Tiagu 3:13

I ten na bo metadi algin jiru o ntindidu? I dibi di mostral ku si bon vida, ku kusas ki ta fasi na mansesa ku bin di jiresa.

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.

1 Pedru 3:16

ku bon sintidu, pa ora ku bo kobadu, kilis ku na fala mal di bo bon manera di yanda ku Kristu e ta burguñu.

1 Pedru 5:10

Dipus di bo sufri un bokadu di tempu, Deus ku ta da tudu grasa, ku coma bos na Kristu pa bo toma parti na si gloria ku ka na kaba, i ta fasi bos kompletu, i ta firmanta bos, i fortifika bos, i da bos firmi alisersu.

1 Jon 3:3

Tudu ku ten e speransa nel, i dibi di limpa si vida, suma ku el i limpu.

Apokalipsi 3:7

“Skirbi pa anju di igreẑa di Filadélfia, bu falal: ‘Es i palabra di kil ki santu, i di bardadi, ku tene cabi di Davi. Si i yabri, ningin ka pudi fica; si i fica, ningin ka pudi yabri.

Apokalipsi 4:8

Kada un di ki kuatru kriatura bibu teneba seis asa; ujus kubri elis na tudu ladu, dentru ku fora. Di dia ku di noti, sin diskansu, e ta fala: “Santu, santu, santu! Siñor Deus ku ten tudu puder i santu, kil ku seduba, ku sedu, ku ten ku bin.”

Apokalipsi 6:10

E grita ku garandi vos, e punta; “Siñor ku ten tudu puder, santu, di bardadi, kantu tempu ku no na pera pa bu julga, bu vinga kilis ku sta na tera ku darma no sangi?”