1 Pedru 1:14 - BIBLIA - traduson antigu in Krioulo

¹⁴ Suma fijus obdienti, ka bo forma bo vida konformi diseẑus mau ku bo tenba oca ku bo ka sibiba nada inda,

1 Pedru 1:14 ပူးပေါင်းရင်းမြစ်များ

Atus 17:30

Na ki tempu ku pasa, Deus fica uju pa se falta di kuñisimentu, ma gosi i da ordi pa tudu omis na tudu lugar pa e ripindi,

Romanus 12:2

Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

Romanus 6:4

Oca no batisadu, no nteradu ku el na mortu, pa no pudi yanda na nobu vida, suma ku puder gloriosu di Pape lantanda Kristu di mortu.

Efésius 2:2

Na ki tempu bo na sigiba mau kamiñu di mundu; bo ta obdisiba ŝef ku ta manda riba di puderis spiritual di ar, spiritu ku na manda te gosi na jinti ku ta disobdisi Deus.

Efésius 5:6

Ka bo disa ningin ngana bos ku palabra bakatela; i pabia de kusas propi ku raiba di Deus na bin riba di kilis ku ka ta obdisi.

Ripitison di Lei 27:10

Asin, bu ten ku obdisi palabra di SIÑOR bu Deus, bu pratika si mandamentus ku si leis ku N na dau aos.”

1 Tesalonisensis 4:5

Ka i disa diseẑu mau yardi dentru del suma jintius ku ka kunsi Deus.

1 Pedru 1:2

Deus pui sintidu na bos desdi antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di fabur ku pas.