1 Pedru 1:1 - BIBLIA - traduson antigu in Krioulo

¹ Ami Pedru, apostolu di Jesus Kristu, N na skirbi pa kilis ku spajadu suma stranjerus na teras di Pontu, Galásia, Kapadósia, Asia ku Bitínia.

1 Pedru 1:1 ပူးပေါင်းရင်းမြစ်များ

Ester 3:8

Aman fala rei Asueru: “I ten un pobu ku pajiga na metadi di rasas na tudu pruvinsia di bu renu. E sta separadu; e tene leis diferenti di leis di tudu utru jinti; e ka ta kumpri ordis di rei. Pabia di kila, i ka bali pena disa elis ku vida.

Salmus 44:11

Bu ntreganu suma karnel ku na matadu, bu pajiganu na metadi di nasons.

Ezekiel 6:8

“‘Ma N na disa utrus kapli di spada, ora ku bo pajigadu na tera di utru nasons.

Sirmonias 26:33

N na pajiga bos na metadi di nasons, N na busi ña spada bo tras. Bo tera na fika bandonadu; bo prasas na danadu tudu.

Mateus 10:2

Nomi di ki dozi apostolu i es: Purmeru, Simon ku comadu Pedru, ku André si ermon; Tiagu, fiju di Zebedeu, ku Jon si ermon;

Mateus 24:22

Si Deus ka menusa ki dias, nin un kriatura bibu ka ta salba, ma, pa amor di kilis ki kuji, i na menusa ki dias.

Mateus 4:18

Oca Jesus na yandaba pertu di Mar di Galileia, i oja dus ermon, Simon ku comadu Pedru, ku si ermon André, e na botaba ridia na mar pabia e seduba piskadur.

Lukas 18:7

Nta Deus tambi ka na fasi justisa pa kilis ki kuji, ku na comal di dia ku di noti? O i na tarda pa kudi elis?

Bon Noba di Jesus Kristu ku Jon 11:52

I ka son pa nason, ma pa junta, na un kurpu son, fijus di Deus ku staba pajigadu.

Bon Noba di Jesus Kristu ku Jon 7:35

Ŝefis di judeu punta entri elis: “Nunde ki na bai nel ku no ka na pudi ojal? I na bai pa judeus ku spaja na metadi di gregus pa bai nsina ki gregus?

Atus 18:2

I kontra la ku un judeu ku comadu Ákila, natural di Pontu, ku kumsa bin di Itália, ku Prisila, si minjer, pabia Klaudiu mandaba pa tudu judeus sai na Roma. Paulu bai visita elis.

Atus 18:23

I tarda la un bokadu, i bai, i pasa na reẑion di Galásia ku Fríẑia, i na fortifika tudu krentis.

Atus 19:10

E fasi asin te dus anu, di manera ku tudu kilis ku mora na Asia, judeus ku gregus, e obi palabra di Siñor.

Atus 6:9

I lanta utru omis ku seduba di kasa di juntamentu ku ta comadu di Libertus. Ki omis seduba di Sireni, Alesandria, Silísia ku Asia. E diskuti ku Stevon.

Atus 8:4

Kilis ku pajigadu e baiba pa tudu parti, e na konta palabra.

1 Koríntius 16:19

Igreẑas di Asia manda bos manteña. Ákila ku Priska ku igreẑa ku ta junta na se kasa manda bos manteña di amor na Siñor.

2 Koríntius 1:8

Ermons, N misti pa bo sibi kansera ku bin riba di nos na pruvinsia di Asia. Kargu ku bin riba di nos i pisadu dimas pa no nguental, tok no pirdi speransa di vida.

Gálatas 1:2

Ami ku tudu ermons ku sta ku mi no na skirbi pa igreẑas di Galásia.

Efésius 2:12

Na ki tempu bo staba separadu di Kristu; bo ka pertensiba pobu di Israel; bo staba fora di kontratu ku purmesa ku Deus da si pobu. Bo staba na mundu sin speransa, tambi sin Deus,

Efésius 2:19

Asin bo ka sedu mas stranjerus na un tera strañu, ma bo sedu ja di un tera juntu ku pobu di Deus; bo pertensi familia di Deus.

Ripitison di Lei 28:64

SIÑOR na pajiga bos na metadi di tudu nasons di un parti di mundu pa utru. La bu na sirbi utru deusis di po ku di pedra, ku nin abo nin bu papes ka kunsi.

Ripitison di Lei 32:26

N falaba kuma N na spaja elis pa tudu parti; se lembransa na diskisidu na metadi di jinti.

Ripitison di Lei 4:27

SIÑOR na pajiga bos na metadi di jinti di utru nasons, nunde ku son puku di bos ku na fika ku vida.

2 Timótiu 1:15

Bu sibi kuma tudu kilis ku sta na pruvinsia di Asia e bandonan, tudu ku Fijelu ku Ermójenis.

Ebreus 11:13

Tudu e jinti e muri ku fe sin ciga di yangasa ki kusas ku Deus fala i na da elis, ma e oja elis di lunju, e fika kontenti ku elis, e konfesa klaru kuma elis i ospri strañu na tera.

Tiagu 1:1

Ami Tiagu, servu di Deus ku Siñor Jesus Kristu, N na manda manteña pa dozi jorson di Israel ku spaja na mundu.

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

Apokalipsi 1:11

ku falan: “Kil ku bu oja, skirbil na un libru, bu mandal pa igreẑas ku sta ne seti lugar, ku sedu: Éfesu, Smirna, Pérgamu, Tiatira, Sardu, Filadélfia ku Laodiseia.”