1 Kronikas 9:1 - BIBLIA - traduson antigu in Krioulo

¹ Tudu Israel reẑistadu na libru di reis di Israel. Pobu di Judá lebadu prezu pa Babilonia pabia di se pekadu.

1 Kronikas 9:1 ပူးပေါင်းရင်းမြစ်များ

1 Reis 14:19

Utru kusas ku pasa na renansa di Jeroboan, si geras ku si manera di rena, e sta skritu na libru di Storia di Reis di Israel.

2 Reis 24:14

I leba tudu jinti di Jerusalen, ku tudu garandis, tudu omis di gera, tudu karpinterus ku fererus, ku sedu, na tudu, des mil prezu. Ningin ka fika, si i ka jinti mas koitadi di tera.

2 Reis 24:15

Asin rei prindi Joakin i lebal di Jerusalen pa Babilonia, tudu ku si mame, si minjeris, si funsionarius, ku otridadis di tera.

2 Reis 24:16

Tudu omis forti trenadu pa gera, seti mil delis, ku mil karpinteru ku fereru, rei prindi elis, i leba pa Babilonia.

1 Kronikas 8:40

Fijus di Ulan e seduba omis di fama ku ten koraẑen, ku tenba jitu na manda fleŝa. E teneba manga di fiju ku netu. Elis tudu i sentu i sinkuenta. Tudu e jinti seduba di jorson di Benjamin.

2 Kronikas 33:11

Pabia di kila, SIÑOR manda ŝefis di tropa di rei di Asiria kontra elis; e prindi Manasés, e pui ansol na si naris, e maral ku korenti di kobri, e lebal pa Babilonia.

Esdras 2:1

Es i lista di jinti di pruvinsia ku sai na metadi di kilis ku Nabukodonosor, rei di Babilonia, leba prezu, e sai na katiberasku, e riba pa Jerusalen ku Judá, kada kin pa si prasa.

Esdras 2:59

I tenba 652 jinti ku bin di prasas di Tel-Mela, Tel-Arsa, Kerub, Adan ku Imer, ku ka pudiba mostra kuma familias di se papes seduba di jorson di Israel. Esis e seduba fijus di Delaias, Tobias ku Nekoda.

Neemias 11:1

Ŝefis di pobu bai mora na Jerusalen, ma restu di pobu e juga sorti pa tira un na kada des pa i mora na prasa sagradu di Jerusalen. Ki novi ku sobra na kada des e tenba ku mora na utru prasas.

Neemias 7:5

Ña Deus pui na ña korson pa N junta jinti di altu katigoria, ku juisis, ku pobu, pa reẑista elis, familia familia. N bin oja libru di lista di purmeru jinti ku riba. Asin ku N oja i skirbidu la:

Neemias 7:64

e buska se reẑistu pa konta se jorson, ma e ka ojal. Asin e ojadu impuru, e tiradu na sirvis di saserdoti.

Isaias 3:2

omi forti ku omi di gera, juis ku anunsiadur, kil ku ta diviña ku omi garandi,

Jeremias 13:19

Prasas na sul tajadu; ningin ka pudi yabri elis. Tudu jinti di Judá lebadu katibu; sin, elis tudu e lebadu.”

Jeremias 39:9

Restu di pobu ku fikaba na prasa, ku kilis ku saiba pa ntrega se kabesa, Nebuzaradan, kapiton di guarda, i leba elis prezu pa Babilonia.

Daniel 1:2

SIÑOR ntrega Jeoiakin, rei di Judá, na si mon, ku un parti di kusas sagradu di kasa di Deus. I leba elis pa tera di Babilonia pa baloba di si deus, i pui elis na armazen di rikesa di si deus.