1 Kronikas 6:31 - BIBLIA - traduson antigu in Krioulo

³¹ Esis i jinti ku Davi nkarga di musika na kasa di SIÑOR dipus ku arka pudu la.

1 Kronikas 6:31 ပူးပေါင်းရင်းမြစ်များ

2 Samuel 6:17

E leba arka di SIÑOR, e pul na si lugar na tenda ku Davi yarmaba pa el. Davi sakrifika ofertas kemadu ku ofertas di pas dianti di SIÑOR.

Salmus 132:14

“Es i ña kau di diskansu pa sempri; ali ku N na sinta na tronu, pabia asin ku N misti.

Salmus 132:8

Lanta, SIÑOR, bu bin pa bu kau di diskansu, abo ku arka di bu puder.

1 Kronikas 15:25

Asin Davi, ku garandis di Israel, ku kapitons di mil, e bai ku tudu kontentamentu pa toma arka di kontratu di SIÑOR na kasa di Obed-Edon.

1 Reis 8:4

e lebal pa templu. Saserdotis ku levitas toma tambi ki tenda di juntamentu, ku tudu kusas sagradu ku staba nel, e leba elis pa templu.

1 Kronikas 6:30

Simeia, Ajias ku Asaias.

1 Kronikas 6:32

E ta sirbiba ku kantiga dianti di tenda di juntamentu te na tempu ku rei Salomon kumpu kasa di SIÑOR na Jerusalen. E ta fasiba e tarbaju konformi se skala.

1 Kronikas 9:33

Utru levitas, ŝefis di familia, ku seduba kantaduris, e ta moraba na kuartus di templu; e ka ta fasiba utru sirvis, pabia e staba ja okupadu na ki tarbaju di kanta, di dia ku di noti.

1 Kronikas 15:1

Davi kumpu kasas pa si kabesa na prasa di Davi, i purpara tambi un kau, i yarma tenda pa arka di Deus.

1 Kronikas 15:27

Davi bistiba un kamisoti kumpridu di liñu finu, suma tambi tudu ki levitas ku na kargaba arka, ku kantaduris, ku Kenanias, se diriẑenti di kantiga. Davi bistiba tambi un efodi di liñu.

Esdras 3:10

Oca ku pedrerus pui alisersu di templu di SIÑOR, saserdotis toma se lugar, ku se ropa di sirmonia, ku kornetas. Ki levitas di familia di Asaf bin tambi, ku salterius, pa ngaba SIÑOR na manera ku Davi, rei di Israel, daba ordi.

Ezekiel 40:44

Na kintal di dentru, fora di porton di dentru, i tenba dus kuartu pa kantaduris, un lungu di porton di norti ku ta jubi pa sul, utru lungu di porton di sul ku ta jubi pa norti.