1 Kronikas 4:10 - BIBLIA - traduson antigu in Krioulo

¹⁰ Jabez coma Deus di Israel i falal: “N misti pa bu bensuan ciu, bu burin mas terenu, pa bu mon sta riba di mi pa libran di tudu mal ku pudi fasin sinti dur.” Deus seta kusa ku Jabez pidi.

1 Kronikas 4:10 ပူးပေါင်းရင်းမြစ်များ

Kumsada 12:2

N na fasiu un garandi nason, N na bensuau, N na fasi bu nomi pa i sedu garandi; bu na sedu un benson.

Kumsada 12:8

Di la i bai dianti pa monti na ladu di Betel na saida di sol, i yarma si tenda. Betel staba na ladu di kaida di sol; Ai staba na ladu di saida di sol. I kumpu tambi un altar la pa SIÑOR, i coma nomi di SIÑOR.

Kumsada 28:20

Jakó jurmenta i fala: “Si Deus sta ku mi, i guardan ne bias ku N sta nel, i dan kusa di kume, ku ropa pa N bisti,

Kumsada 28:21

si N riba ku pas pa kasa di ña pape, SIÑOR na sedu ña Deus.

Kumsada 32:26

Omi falal: “Disan N bai pabia kau klaru ja.” Ma Jakó falal: “N ka na disau bai si bu ka bensuan.”

Kumsada 32:27

Omi puntal: “Kuma ki bu nomi?” I falal: “Jakó.”

Kumsada 32:28

Omi falal: “Bu nomi ka na sedu mas Jakó, ma Israel, pabia bu luta ku Deus, tambi ku omis, bu ngaña.”

Kumsada 33:20

I lantanda altar la, i comal: Deus, Deus di Israel.

Kumsada 48:16

ki anju ku kaplintin di tudu mal, pa i bensua e rapasis, pa e comadu na ña nomi, ku nomi di ña papes Abraon ku Isak; pa e buri suma multidon na tera.”

1 Kronikas 16:8

Bo ngaba SIÑOR, bo coma si nomi; bo konta na metadi di nasons kusas ki fasi.

1 Kronikas 4:11

Kelub, ermon di Suá, i padi Meir ku sedu pape di Eston.

1 Kronikas 4:9

I tenba un omi comadu Jabez ku mas rispitaduba di ki si ermons. Si mame pul ki nomi di Jabez pabia i padil ku garandi dur.

Jo 12:4

“Ña amigus e ta rin, kontudu N ta comaba Deus; i ta kudin; N sedu justu i retu, ma e ta rin.

Salmus 119:173

Sakuran sempri ku bu mon, pabia N kuji bu ordis.

Salmus 121:7

SIÑOR na guardau di tudu mal; i na guarda bu vida.

Salmus 145:19

Kilis ku rispital, i ta da elis kusa ke misti, i ta obi elis ora ke na comal, i ta salba elis.

Salmus 21:4

I pidi vida; bu dal el, te bu dal vida kumpridu ku na tarda pa sempri.

Salmus 51:12

Tornan alegria di bu salbason; Dan un spiritu pruntu ku na nguentan.

Salmus 51:8

Fasin pa N obi gritus di kontentamentu ku alegria, pa os ku bu kebra pudi baja.

Salmus 55:16

Ma ami, N na coma Deus; SIÑOR na salban.

Salmus 65:2

Abo ku ta obi orason, tudu jinti na bin pa bo.

Salmus 72:17

Si nomi pa i kontinua pa sempri; pa i pasantadu di papes pa fijus nkuantu sol na yardi. Jinti na bensuadu pabia del; tudu nasons na comal sortiadu.

Salmus 99:6

Moisés ku Aron e seduba si saserdotis; Samuel seduba algin ku ta coma si nomi. E ta comaba SIÑOR, el i ta kudi elis.

Ditus 10:22

Benson di SIÑOR ta tisi rikesa; i ka ta buri tristesa riba del.

Ditus 30:8

Lunjusi di mi nganu ku mintida; ka bu dan koitadesa nin rikesa, ma dan kumida ku N pirsisa kada dia.

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Isaias 41:17

“Koitadis na se foronta e na buska yagu, ma i ka ten; e tene sedi tok se lingua seku. Ma ami, SIÑOR, N na bin obi elis; ami, Deus di Israel, N ka na bandona elis.

Jeremias 33:3

Coman, N ta kudiu, N ta kontau kusas garandi, sukundidu, ku bu ka sibi.

Mateus 26:75

Pedru lembra ke ku Jesus falalba: “Antis di galu kanta bu na fala tris bias kuma bu ka kunsin.” I sai fora, i cora ku garandi tristesa.

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Lukas 19:42

i fala: “Ai! Si bu sibiba, nin si i aos, ke ku pudi dau pas! Ma gosi i sta sukundidu na bu uju.

Bon Noba di Jesus Kristu ku Jon 10:28

N ta da elis vida ku ka ta kaba; nunka e ka na pirdi. Ningin ka na rabata elis na ña mon.

Bon Noba di Jesus Kristu ku Jon 21:17

Jesus puntal terseru bias: “Simon, fiju di Jon, bu aman?” Simon fika tristi manera ku Jesus puntal tris bias si i amal. I ruspundil: “Siñor, bu sibi tudu; bu sibi kuma N amau.” Jesus falal: “Bakia ña karnel.

Atus 3:26

Deus lantanda si servu, i mandal pa bos purmeru, pa i bensua bos, pa i pui kada un di bos rabida di si mau kamiñu.”

Romanus 12:9

Ka bo ten amor finjidu. Bo nega mal; bo pega na kil ki bon.

Romanus 16:19

Tudu jinti sibi kuma bo ta obdisi. E ku manda N kontenti ku bos. N misti pa bo jiru pa kusa bon, pa bo sedu inosenti pa kusa ku ka bali.

1 Koríntius 1:2

N skirbi e karta pa igreẑa di Deus ku sta na Korintu, pa kilis ku santifikadu na Kristu Jesus, ku comadu pa sedu pobu di Deus. N na skirbi tambi pa tudu kilis ku na tudu lugar coma nomi di no Siñor Jesus Kristu; i se Siñor, i di nos tambi.

Efésius 1:3

No ngaba Deus, Pape di no Siñor Jesus Kristu, kil ku bensuanu, i danu tudu bon kusa spiritual na mundu selestial, na no union ku Kristu.

Efésius 3:20

Gloria pa kil ki kapas di fasi muitu mas ciu di ki tudu kil ku no pidi, o no pensa, konformi puder ku na tarbaja na nos;

Efésius 4:30

Ka bo pui Spiritu Santu di Deus pa i sta tristi, pabia Spiritu i un marka ku bo markadu ku el pa dia di libertason.

2 Timótiu 4:18

Siñor na libran tambi di tudu mal, i na leban salbu pa si renu na seu. Gloria pa el pa sempri. Amen.

Apokalipsi 3:19

N ta raprindi, N ta kastiga tudu jinti ku N ama. Asin, pui garandi sintidu, bu ripindi.

1 Samuel 1:17

Eli ruspundi i falal: “Bai ku pas. Pa Deus di Israel dau kusa ku bu pidil.”

1 Samuel 1:20

I pasa sertu tempu, Ana preña, i padi un fiju, i coma si nomi Samuel, pabia i fala kuma i pidil na mon di SIÑOR.

1 Samuel 1:26

Ana fala: “Talves Ñu pudi lembra di mi. Ami i ki minjer ku staba li ku bo pa ora pa pidi SIÑOR.

1 Samuel 1:27

N na pidiba Deus pa i dan e mininu. SIÑOR dan kil ku N pidil.