1 Kronikas 27:31 - BIBLIA - traduson antigu in Krioulo

³¹ Jaziz, agrita, seduba responsavel di karnel ku kabras. Esis tudu seduba administraduris di rikesa di rei Davi.

1 Kronikas 27:31 ပူးပေါင်းရင်းမြစ်များ

1 Kronikas 27:30

Obil, ismaelita, seduba responsavel di kamelus. Jedeias, meronotita, seduba responsavel di burus.

1 Kronikas 27:32

Jonatas, tiu di Davi, i seduba omi jiru ku ta daba bon konsiju, ku kunsiba letras diritu. Jeiel, fiju di Akmoni, i seduba nkargadu di edukason di fijus di rei.

1 Kronikas 5:10

Na tempu di rei Saul e geria ku agarenus, e ngaña elis, e mora na se tendas na tudu ki reẑion di lesti di Jilead.

1 Kronikas 5:19

E bai geria ku agarenus, suma tambi ku Jetur, Nafis ku Nodab.

Eklesiastis 2:7

N kumpra katibus macu ku femia, ku kilis tambi ku padidu na ña kasa. N teneba garandi koral di bakas ku karnel, mas di ki tudu ku staba na Jerusalen antis di mi.

1 Samuel 21:7

I staba la na ki dia un di tarbajaduris di Saul, un edomeu comadu Doeg, ŝef di bakiaduris di Saul, ku na pera pa kompleta si dever riliẑiosu dianti di SIÑOR.