1 Kronikas 27:1 - BIBLIA - traduson antigu in Krioulo

¹ Es i lista di ŝefis di familia di Israel, kapitons di mil ku di sen, ku administraduris ku ta sirbiba rei. Kada mis di anu, un grupu di 24.000 omi ta yentraba pa tarbaja pa un mis; dipus i ta sai; utru grupu ta yentra.

1 Kronikas 27:1 ပူးပေါင်းရင်းမြစ်များ

2 Samuel 23:8

Esis i nomis di omis balenti di Davi: Joseb-Basebet, di Takemoni, i sedu ŝef di ki tris kapiton. I el ku bai ku kañaku kontra oitusentus omi, i mata elis na un nkontru son.

1 Reis 4:27

Asin, ki gubernaduris di reẑion, kada kin na si mis, e ta ranjaba kumida pa rei Salomon ku tudu jinti ku ta staba na mesa di rei; e ka ta disa pa nin un kusa falta elis.

1 Reis 4:7

Riba di tudu Israel Salomon teneba dozi gubernadur di reẑion ku ta ranjaba kumida pa rei ku jinti di si kasa. Kada gubernadur tenba ku ranja kumida pa un mis na kada anu.

1 Reis 5:14

i ta mandaba elis pa Líbanu, 10.000 kada mis. Asin un omi ta tenba un mis na Líbanu ku dus mis na si kasa. Adoniran tenba konta di tarbaju obrigatoriu.

1 Kronikas 11:10

I tenba ŝefis di omis forti di Davi; elis ku tudu Israel e judal pa i sedu rei, suma ku SIÑOR falaba ja; e apoial pa si renu pudi fika suguru.

1 Kronikas 13:1

Davi konsulta ideia di tudu ŝefis, ku kapitons di mil ku di sen.

1 Kronikas 26:32

Rei Davi kuji Jerijá ku dus mil i setsentus di si parentis, omis di kapasidadi, ŝefis di familia, i pui elis suma administraduris riba di rubenitas, gaditas ku metadi di jorson di Manasés, pa e trata di kusas di Deus ku kusas di rei.

1 Kronikas 27:2

Jasobean, fiju di Zabdiel, i staba riba di purmeru grupu di 24.000 ku yentra na purmeru mis.

1 Kronikas 28:1

Davi coma tudu ŝefis di Israel pa e junta na Jerusalen: administraduris di jorsons, ŝefis di grupus ku ta sirbi rei, kapitons di mil ku di sen, administraduris di rikesas ku limarias di rei ku di si fijus, suma tambi funsionarius di palasiu ku ŝefis di tropa.

1 Kronikas 29:6

Asin, ŝefis di familia, administraduris di jorsons di Israel, kapitons di mil ku di sen, ku ŝefis di tarbaju di rei, e da oferta ku vontadi.

2 Kronikas 1:2

Salomon papia ku tudu Israel, ku kapitons di mil ku di sen, ku juisis, ku tudu ŝefis ku sta na Israel, ku ŝefis di familia.

Saida 18:25

I kuji omis jiru di tudu Israel, i pui elis pa e sedu ŝefis riba delis, pa julga grupus di mil, di sen, di sinkuenta ku di des.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Ripitison di Lei 1:15

Asin, N toma ki ŝefis ku bo kuji di bo jorsons, omis jiru, ku ten spiriensia, N pui elis riba di bos, pa e sedu ŝefis di grupus di mil, di sen, di sinkuenta ku di des, ku utrus pa e sedu gubernaduris di bo jorsons.

Josué 23:1

Manga di tempu pasa disna ku SIÑOR da Israel diskansu di tudu se inimigus na roda; Josué beju ba ja dimas.

1 Samuel 8:12

i na pui elis suma ŝefis di milyaris ku ŝefis di sinkuenta, o pa e labra si lugaris, pa korta si arus, pa ba ta kumpu si feramentus di gera, ku ekipamentu di si karus.