1 Kronikas 26:4 - BIBLIA - traduson antigu in Krioulo

^4-5 Obed-Edon teneba oitu fiju pabia Deus bensual. Si purmeru fiju seduba Semaias; dipus i padi Jeozabad, Joá, Sakar, Netanel, Amiel, Isakar ku Peuletai.

1 Kronikas 26:4 ပူးပေါင်းရင်းမြစ်များ

2 Samuel 6:10

I sinti kuma i ka pudi ja leba arka di SIÑOR pa prasa di Davi, ma i vira pa utru kamiñu, i lebal pa kasa di Obed-Edon, un jiteu. .

2 Samuel 6:11

Arka di SIÑOR fika na kasa di ki jiteu Obed-Edon tris mis. SIÑOR bensua Obed-Edon ku tudu si familia.

2 Samuel 6:12

Jinti konta Davi kuma SIÑOR bensua familia di Obed-Edon ku tudu ki tene pabia di arka di Deus. Asin Davi bai i bai toma arka di Deus na kasa di Obed-Edon, i lebal pa prasa di Davi ku kontentamentu.

1 Kronikas 13:14

Arka fika tris mis na kasa di ki familia. SIÑOR bensua familia di Obed-Edon, ku tudu ki tene.

1 Kronikas 15:18

E kuji tambi utru ermons pa juda elis: Zakarias, Beni, Jaaziel, Semiramot, Jeiel, Uni, Eliab, Benaia, Maaseias, Matitias, Elifeleu ku Mikneias, ku Obed-Edon ku Jeiel ku sedu porterus.

1 Kronikas 15:21

Matitias, Elifeleu, Mikneias, Obed-Edon, Jeiel ku Azazias e tenba ku toka arpas di nota bas pa kumpaña melodia.

1 Kronikas 15:24

Obed-Edon ku Jeias tambi e seduba guardas di arka. Saserdotis Sebanias, Jeosafá, Netanel, Amasai, Zakarias, Benaia ku Eliezer e kujidu pa toka korneta dianti di arka di Deus.

1 Kronikas 16:38

Tambi i fika Obed-Edon, fiju di Jedutun, ku elis tambi, ku si sesenta i oitu ermon. Obed-Edon ku Osa e seduba porterus.

1 Kronikas 16:5

Asaf seduba ŝef, ku Zakarias si sugundu. Jeiel, Semiramot, Jeiel, Matitias, Eliab, Benaia, Obed-Edon ku Jeiel e kujidu pa toka violas ku arpas; Asaf tenba ku toka simbalus.

1 Kronikas 26:3

Elan, Joanan ku Elioenai.