1 Kronikas 24:2 - BIBLIA - traduson antigu in Krioulo

² Nadab ku Abiu muri antis di se pape, e ka fika fijus. Eleazar ku Itamar fika na tarbaju di saserdoti.

1 Kronikas 24:2 ပူးပေါင်းရင်းမြစ်များ

Saida 24:1

Dipus Deus fala Moisés: “Subi pa SIÑOR, abo ku Aron ku Nadab ku Abiu, ku setenta omi garandi di Israel. Ora ku bo sta inda lunju, bo ta mpina.

Saida 24:9

Moisés subi ku Aron, Nadab ku Abiu, ku setenta omi garandi di Israel,

Saida 29:9

bu mara elis ŝapeus kumpridu. Dipus, pui sintu na Aron ku si fijus. Tarbaju di saserdoti i di selis pa un lei ku ka na kaba. Asin ku bu na konsagra Aron ku si fijus.

Saida 6:23

Aron kasa ku un minjer ku comadu Eliseba, fiju di Aminadab, irma di Naason. I padi ku el Nadab, Abiu, Eleazar ku Itamar.

Sirmonias 10:12

Moisés fala Aron ku si fijus ku sobra, Eleazar ku Itamar: “Bo toma oferta di kumida, kil ku sobra di ofertas kemadu pa SIÑOR, bo kumel sin fermentu lungu di altar, pabia i sedu un kusa sagradu dimas.

Sirmonias 10:2

Fugu sai na pursensa di SIÑOR, i kema elis; asin e muri dianti di SIÑOR.

Numerus 18:7

ma abo son ku bu fijus ku na sedu saserdotis, pa toma konta di tarbaju di altar, ku di lugar tras di kurtina. N da bos e fabur di tarbaja suma saserdotis. Kualker utru algin ku ciga pertu di kau sagradu i na muri.”

Numerus 26:61

ma Nadab ku Abiu e muri oca ke leba fugu dianti di SIÑOR, ku ka staba konformi lei.

Numerus 3:2

Nomis di fijus di Aron e seduba Nadab, ku padidu purmeru, Abiu, Eleazar ku Itamar.

Numerus 3:4

ma Nadab ku Abiu muri dianti di SIÑOR, oca ke leba fugu si dianti, fora di lei, na lala di Sinai; e ka teneba fijus. Eleazar ku Itamar e sirbiba suma saserdotis lungu di se pape Aron.