1 Kronikas 22:6 - BIBLIA - traduson antigu in Krioulo

⁶ Un dia i coma si fiju Salomon, i dal ordi pa i kumpu kasa pa SIÑOR Deus di Israel.

1 Kronikas 22:6 ပူးပေါင်းရင်းမြစ်များ

Kumsada 12:20

Faraó da ordi pa si omis aserka di Abron. E tiral pa fora di tera, ku si minjer, ku tudu ki teneba.

2 Samuel 7:1

Dipus di rei Davi sinta ja na si kasa, SIÑOR dalba ja diskansu di tudu inimigus na si roda,

1 Reis 2:1

Oca dia di mortu di Davi na pertu, i da si fiju Salomon ordi, i falal:

1 Kronikas 17:1

Oca ku Davi mora ja na si kasa, i fala anunsiadur Natan: “Ali N mora na kasa di madera di sedru, ma arka di kontratu di SIÑOR sta na tenda.”

1 Kronikas 28:2

Rei Davi lanta, i firma, i fala: “Ña ermons ku ña pobu, bo sukutan. N sintiba na ña korson pa kumpu un kasa di diskansu pa arka di kontratu di SIÑOR, nunde ku no Deus tambi pudi diskansa si pe. N purpara ja kusas pa kumpul,

Numerus 27:23

i pui si dus mon riba del, i dal ordis, suma ku SIÑOR falal pa i fasi.

Atus 1:2

te dia ki lebadu pa seu, dipus ki da ordi na puder di Spiritu Santu pa apostolus ki kujiba.

Ripitison di Lei 31:14

SIÑOR fala Moisés: “Gosi bu dia di mortu sta ja pertu. Coma Josué, bo bin pa mi na tenda di juntamentu, pa N dal ordi.” Asin Moisés ku Josué bai pursenta na tenda di juntamentu.

Ripitison di Lei 31:23

SIÑOR da ordi pa Josué, fiju di Nun, i falal: “Sedu forti, bu ten koraẑen, pabia bu na yentranda fijus di Israel na tera ku N purmiti elis ku juramentu. Ami N na sta ku bo.”

1 Timótiu 5:21

Dianti di Deus ku Kristu Jesus ku anjus ku kujidu, N na mandau ku tudu seredadi pa bu obdisi e ordi. Ka bu julga sin ntindi kusa diritu; ka bu mostra fabur pa ningin.

2 Timótiu 4:1

Dianti di Deus, ku Kristu Jesus ku ten ku julga bibus ku mortus, pabia i ten ku bin pa rena, N mandau