1 Kronikas 22:14 - BIBLIA - traduson antigu in Krioulo

¹⁴ N fasi forsa, N junta 3.450 tonolada di uru pa kasa di SIÑOR, ku 34.500 tonolada di prata, tambi ku kobri ku feru ku ka pudi pesadu pabia i ciu dimas. N purpara tambi madera ku pedras, ma bu pudi bin buri kil ku na falta.

1 Kronikas 22:14 ပူးပေါင်းရင်းမြစ်များ

1 Reis 10:14

Uru ku ta binba pa Salomon kada anu seduba vinti i tris tonolada,

1 Reis 7:47

Salomon ka manda pesa tudu ki kusas, pabia e ciu dimas; asin pesu di kobri nunka i ka sibidu.

2 Reis 25:16

Kobri di ki dus kuluna ku bañera ku stantis ku Salomon kumpuba pa kasa di SIÑOR, i ciu ba dimas pa pesa.

1 Kronikas 22:15

Bu tene manga di mestre di obra: kortaduris di pedra, pedrerus ku karpinterus, ku jinti sin numeru ku ten jitu di fasi tudu koldadi tarbaju spesial

1 Kronikas 22:3

I junta manga di feru pa fasi junturas ku pregus pa portons di entrada, ku kobri ku ka pudiba ja pesadu pabia i ciu dimas,

1 Kronikas 29:2

Ami, ku tudu ña forsa, N purpara material pa kasa di ña Deus: uru pa kumpu kusas di uru, prata pa kusas di prata, suma tambi kobri, feru ku madera, ku tudu koldadi joia bonitu di balur, ku pedra finu ku marmori, manga del.

Jeremias 52:20

Ki kusas di kobri ku rei Salomon kumpuba pa kasa di SIÑOR, ku sedu dus kuluna, bañera, dozi turu ku bañera ta sinta riba del, ku stantis movel, kobri di tudu ki kusas i ciu dimas pa pesa.

2 Koríntius 8:2

manera ke pasa manga di proba di foronta, ma e tenba garandi alegria, tok e yabri se mon pa da ciu, kontudu elis e koitadi.