1 Kronikas 21:8 - BIBLIA - traduson antigu in Krioulo

⁸ Davi fala Deus: “N peka ciu ne kusa ku N fasi. N pidiu pa bu tira kulpa di bu servu, pabia N fasi suma tulu.”

1 Kronikas 21:8 ပူးပေါင်းရင်းမြစ်များ

Kumsada 34:7

Fijus di Jakó bin di matu, e obi kila, e fika tristi dimas, e paña raiba ciu, pabia Siken fasi un kusa fiu dimas na uju di Israel, suma ki dita ku fiju di Jakó, kusa ki ka dibi di fasi.

2 Samuel 12:13

Davi fala Natan: “N peka kontra SIÑOR.” Natan falal: “SIÑOR tira bu pekadu; bu ka na muri,

2 Samuel 13:13

Nunde ku N pudi bai ku ña borgoña? Abo tambi, bu ta sedu suma un di ki tulus di Israel. Di fabur, papia ku rei, pabia i ka na tujin kasa ku bo.”

2 Samuel 24:10

Dipus ki fasi konta di jinti, konsiensia di Davi akusal, i fala SIÑOR: “N peka ciu ne kusa ku N fasi. SIÑOR, N pidiu pa bu tira kulpa di bu servu, pabia N fasi kusa suma tulu.”

1 Kronikas 21:7

Deus ka fika kontenti ku ki kusa ku fasidu; asin i kastiga Israel.

2 Kronikas 10:9

I punta elis: “Kuma ku bo na konsijan? Kuma ku no na ruspundi e pobu ku falan pa N rapati ki kargu pisadu ku ña pape pui riba delis?”

Salmus 25:11

Pabia di bu nomi, SIÑOR, purda ña pekadu, nin si i garandi.

Salmus 32:5

Asin, N konfesa ña pekadu; N ka sukundi mal ku N fasi. N fala kuma N na konfesa SIÑOR kusas mau ku N fasi; bu purdan kulpa di ña pekadu. Sela

Jeremias 3:13

I fala mas: “I son pa bu rapara bu pekadu, bu seta kuma bu peka kontra SIÑOR bu Deus, kuma bas di tudu arvuri verdi bu bindi bu kurpu pa utru deusis. Konfesa kuma bu ka obdisi ke ku N falau.”

Oseias 14:2

Bo toma palabras, bo riba pa SIÑOR, bo falal: “Tira tudu no pekadu, bu risibinu ku bondadi. Asin no na pursenta no orason suma turu di sakrifisiu.

Bon Noba di Jesus Kristu ku Jon 1:29

Oca sol mansi, Jon oja Jesus na bin pa el, i fala: “Ali karnel di Deus ku ta tira pekadu na mundu.

1 Jon 1:9

Si no konfesa no pekadus, suma el i justu, i di konfiansa, i ta purda no pekadus, i ta limpanu di tudu kusa mau,

1 Samuel 13:13

Samuel fala Saul: “Bu fasi tulesa, bu ka obdisi mandamentu ku SIÑOR bu Deus dau. Si bu obdisiba, SIÑOR na konfirmaba bu renansa riba di Israel pa sempri,

1 Samuel 26:21

Saul falal: “N yara; riba, ña fiju Davi, pabia N ka na torna buska fasiu mal, suma ku aos bu da ña vida balur. N fasi suma tulu, N yara ciu.”