1 Kronikas 21:12 - BIBLIA - traduson antigu in Krioulo

¹² tris anu di fomi, tris mis di kuri dianti di bu inimigus ku na serkau ku spada, o tris dia di spada di SIÑOR ku sedu duensa meduñu na tera, ora ku anju di SIÑOR na leba mortu pa tudu parti di Israel.’ Jubi kal rasposta ku N na leba pa kil ku mandan.”

1 Kronikas 21:12 ပူးပေါင်းရင်းမြစ်များ

2 Samuel 21:1

Na tempu di Davi i tenba fomi ku dura pa tris anu. Davi bai punta SIÑOR; SIÑOR falal: “I pabia di kulpa di sangi ku sta riba di Saul ku si familia, manera ki mata jibeonitas.”

1 Reis 17:1

Elias, di Tisbe na Jilead, fala Akab: “N jurmenta pa vida di SIÑOR Deus di Israel, kil ku N ta sirbi, kuma, ne anus ku na bin, i ka na ten nin serenu nin cuba tementi N ka fala pa i cubi.”

2 Reis 19:35

Ki di noti anju di SIÑOR bai pa kampamentu di Asiria, i mata sentu i oitenta i sinku mil delis. Oca ku sol mansi, ala e staba ja, tudu mortu.

2 Reis 8:1

Eliseu papia ku ki minjer ki lantanda si fiju di mortu, i falal: “Lanta, bu bai ku bu familia, bu bai buska un tera nunde ku bu pudi fika nel, pabia SIÑOR na manda fomi ne tera pa seti anu.”

1 Kronikas 21:11

Gad bai pa Davi i falal: “Asin ku SIÑOR fala: ‘Kuji kil ku bu misti:

Salmus 91:6

nin duensa ku ta laga na sukuru, nin mortundadi ku ta dana di dia wan.

Saida 12:23

Ora ku SIÑOR pasa pa mata ejipsius, i na oja sangi na dus ladu di porta ku la riba, i na pasa riba di ki porta, i ka na disa ki matadur yentra na bo kasas pa mata bos.

Isaias 66:16

SIÑOR na julga jinti di tudu mundu ku fugu ku si spada, i na mata manga di jinti.

Jeremias 12:12

Danaduris na bin riba di tudu montis di lala, pabia spada di SIÑOR na dana tera, di un ladu pa utru. I ka na ten pas pa ningin.

Jeremias 42:16

ki spada ku bo medi i na yangasa bos la; fomi ku bo medi i na bai bo tras pa Ejitu; la ku bo na muri.

Jeremias 47:6

“Abos bo fala: ‘O spada di SIÑOR! kal dia ku bu na bin diskansa? Riba pa bu baiña, bu diskansa, bu keta!’

Miskiñu di Jeremias 4:9

Kilis ku matadu ku spada e mas ten sorti di ki kilis ku muri di fomi, pabia se kurpu na magru kada bias mas; falta di kumida na pui elis pa e muri.

Sirmonias 26:10

Bo na kume di kebur di anu ku pasa te na dia ku bo ten ku tiral fora pa da lugar pa kebur nobu.

Sirmonias 26:17

N na pui ña rostu kontra bos pa bo inimigus ngaña bos; kilis ku odia bos e na manda riba di bos. Bo na kuri sin ningin serka bos.

Lukas 4:25

“N na konta bos bardadi kuma, i tenba manga di viuva na Israel na tempu di Elias, oca ku seu fica, i ka cubi tris anu ku seis mis; i tenba garandi fomi na tudu tera,

Atus 12:23

Na ki ora anju di Siñor batil, pabia i ka da Deus gloria. Bicus kumel, i muri.

Ripitison di Lei 28:15

Si bu ka para atenson pa palabra di SIÑOR bu Deus, bu ka pui sintidu pa obdisi tudu si mandamentus ku leis ku N na dau aos, tudu e maldison na yangasau, i fika riba di bo.

Ripitison di Lei 28:22

SIÑOR na kastigau ku tuberkulosi, febri, incasku, kalur forti, falta di yagu, duensa di plantas ku bulur; es tudu na ŝatiau tok bu pirdi.

Ripitison di Lei 28:25

SIÑOR na da bu inimigus vitoria riba di bo; bu na sai na un kamiñu kontra elis, ma bu na kuri se dianti na seti kamiñu. Tudu renus di mundu na panta si e oja ke ku pasa ku bo.

Ripitison di Lei 28:27

SIÑOR na kastigau ku cagas suma ejipsius ta tene, ku tumoris, sarna ku kosera ku ka pudi kuradu.

Ripitison di Lei 28:35

SIÑOR na kastiga bu juju ku bu perna ku manditas ku ta de dimas, ku ka pudi kuradu; e na sai na bo desdi pata di pe te na kabesa.