1 Kronikas 17:9 - BIBLIA - traduson antigu in Krioulo

⁹ N na ranja un kau nunde ku N na paranta ña pobu Israel, pa e tene se propi tera nunde ke na sinta, pa nunka mas e ka rinkadu pa lebadu pa utru kau, nin jinti mau ka na kansa elis mas, suma ke ta fasiba,

1 Kronikas 17:9 ပူးပေါင်းရင်းမြစ်များ

1 Kronikas 17:10

disna di tempu ku N pui ŝefis riba di ña pobu Israel. N na bota tudu bu inimigus bas. “‘Tambi N na kontau kuma ami, SIÑOR, N na firmanta bu renansa.

1 Kronikas 17:8

N staba ku bo na tudu kau ku bu bai, N bai bu dianti, N kaba ku tudu bu inimigus. Tambi N dau fama suma di omis mas garandi di mundu.

Salmus 44:2

Ku bu mon bu serka nasons, bu kastiga elis, bu firmanta no papes na tera, bu fasi elis kirsi.

Salmus 89:22

Inimigu ka na manda riba del; nin omi mau ka na kalkal.

Salmus 92:13

Suma ke parantadu na kasa di SIÑOR no Deus, e na kirsi la ku saudi.

Saida 2:23

Oca ki pasa manga di tempu, rei di Ejitu bin muri. Fijus di Israel fika e na jimi bas di katiberasku, e na grita pa ajuda pabia di se kastigu. Se gritu ciga dianti di Deus.

Isaias 49:17

Bu fijus na bin dipresa, ma kilis ku dana-danau e na sai fora di bo.

Isaias 60:18

Nunka mas i ka na obidu noba di violensia na bu tera, nin di danu dentru di bu frontera, ma bu na coma bu mura Salbason, bu na coma bu portons Lovor.

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Jeremias 24:6

N na jubi elis diritu, N na pui elis riba pa e tera, N na kumpu elis, N ka na dana elis; N na paranta elis, N ka na rinka elis.

Jeremias 32:41

N na kontenti pa fasi elis ben, N na firmanta elis ne tera ku tudu ña korson ku tudu ña alma.

Ezekiel 28:4

Ku bu jiresa ku ntindimentu bu ngaña manga di rikesa; bu junta uru ku prata na bu armazens.

Ezekiel 34:13

N na tira elis na metadi di nasons, na manga di tera, N na junta elis, N tisi elis na se tera, N na bakia elis na montis di Israel, lungu di rius, na tudu moransas.

Ezekiel 37:25

E na mora na tera ku N da ña servu Jakó, ku bo papes moraba nel. Elis ku se fijus ku fijus di se fijus e na mora nel pa sempri. Davi, ña servu, na sedu se rei pa sempri.

Amos 9:15

N na paranta elis na se tera; nunka mas e ka na rinkadu na tera ku N da elis.” Asin ku SIÑOR bu Deus fala.

Efésius 5:6

Ka bo disa ningin ngana bos ku palabra bakatela; i pabia de kusas propi ku raiba di Deus na bin riba di kilis ku ka ta obdisi.

Apokalipsi 21:4

I na limpa tudu larma na se uju. Mortu ka na ten mas, nin tristesa, nin cur, nin dur, pabia purmeru kusas pasa ja.”