1 Kronikas 17:21 - BIBLIA - traduson antigu in Krioulo

²¹ Nta i ten algin suma bu pobu Israel? Elis i uniku jinti na mundu ku bu liberta di katiberasku pa e sedu bu pobu. Bu nomi torna kunsidu pabia di kusas garandi i meduñu ku bu fasi. Bu bai dianti di bu pobu ku bu tira di Ejitu, bu serka utru nasons pa bu pobu pudi yentra.

1 Kronikas 17:21 ပူးပေါင်းရင်းမြစ်များ

1 Kronikas 17:20

“SIÑOR, i ka ten ningin suma bo, nin i ka ten utru deus fora di bo, konformi tudu ku no obi ku no oreja.

1 Kronikas 17:22

Bu toma bu pobu Israel pa e sedu di bo pa sempri; abo, SIÑOR, bu sedu se Deus.

Neemias 9:10

Bu mostra sinal ku milagris pa Faraó, ku si ŝefis ku tudu pobu di si tera, pabia bu nota kuma ke kalka elis. Asin bu ngaña nomi ku bu ten te aos.

Salmus 107:2

Jinti ku SIÑOR kaplinti, pa e ripiti e palabra, kilis ki libra na mon di inimigus,

Salmus 111:9

I bai liberta si pobu; i firmanta si kontratu pa sempri. Si nomi i sagradu, i meduñu.

Salmus 147:20

I ka fasi asin pa kualker utru nason; elis tudu e ka kunsi si leis. Bo ngaba SIÑOR!

Salmus 65:5

Bu ta ruspundinu ku kusas meduñu ku bu fasi ku retidon, o Deus di no salbason. Abo i speransa di jinti di tudu parti di mundu, ku kilis ku sta lunju, riba di mar.

Salmus 77:15

Ku bu mon bu liberta bu pobu, ku sedu fijus di Jakó ku José. Sela

Saida 6:6

“Asin, konta fijus di Israel kuma ami N sedu SIÑOR. N na bin tira bos bas di kastigu di ejipsius. N na libra bos di sedu se katibus; N na kaplinti bos ku ña mon forti, ku garandi kastigus.

Isaias 48:9

Pa ka jinti para ngaba ña nomi, N na kontrola ña raiba ku pasensa, pa ka N kaba ku bo.

Isaias 63:12

El i pui si forsa gloriosu pa i marŝa na mon direita di Moisés, i findi yagu se dianti pa pudi ngaña pa si kabesa un fama ku ka ta kaba.

Isaias 63:9

Na tudu se sufrimentu el i sufri; anju, ku sedu el propi, i salba elis. Ku si amor ku si miserikordia i libra elis, i toma elis, i gia elis tudu dias di tempu antigu,

Isaias 64:3

Oca bu ta riaba, bu fasi kusas meduñu ku no ka spera; montañas ta tirmiba bu dianti.

Jeremias 32:21

Bu distindi mon, bu tira bu pobu Israel di tera di Ejitu, ku sinal, ku milagris, ku mon forti, tok jinti panta.

Ripitison di Lei 15:15

Lembra kuma bu seduba katibu na tera di Ejitu, ma SIÑOR bu Deus libertau di la. E ku manda N na dau e ordi aos.

Ripitison di Lei 4:7

Kal nason ki garandi tok i tene deusis pertu del suma ku SIÑOR no Deus sta pertu di nos, kada bias ku no comal?

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Josué 10:42

Josué toma tudu ki reis ku se teras na un kampaña son, pabia SIÑOR Deus di Israel na geriaba pa Israel.