1 Kronikas 17:20 - BIBLIA - traduson antigu in Krioulo

²⁰ “SIÑOR, i ka ten ningin suma bo, nin i ka ten utru deus fora di bo, konformi tudu ku no obi ku no oreja.

1 Kronikas 17:20 ပူးပေါင်းရင်းမြစ်များ

1 Kronikas 17:19

O SIÑOR, pa amor di bu servu, konformi bu vontadi, bu fasin pa N sibi tudu e kusas garandi ku bu na fasi.

1 Kronikas 17:21

Nta i ten algin suma bu pobu Israel? Elis i uniku jinti na mundu ku bu liberta di katiberasku pa e sedu bu pobu. Bu nomi torna kunsidu pabia di kusas garandi i meduñu ku bu fasi. Bu bai dianti di bu pobu ku bu tira di Ejitu, bu serka utru nasons pa bu pobu pudi yentra.

Salmus 44:1

O Deus, no obi ku no propi oreja, no papes kontanu kusas ku bu fasi na se tempu, na dias di antigu.

Salmus 86:8

Na metadi di deusis i ka ten utru suma bo, SIÑOR; nin un delis ka fasi tarbaju suma di bo.

Salmus 89:6

Kin ku sedu suma SIÑOR la na seu? Na metadi di anjus, kin ku parsi SIÑOR?

Salmus 89:8

O SIÑOR, Deus ku ten tudu puder, kin ku forti suma bo? Na tudu ladu bu sedu fiel, SIÑOR.

Salmus 97:9

Abo, SIÑOR, bu sedu Deus riba di tudu mundu; bu sta muitu mas altu di ki tudu utru deusis.

Saida 15:11

O SIÑOR, na metadi di deusis, kin ku sedu suma bo? Kin ki suma bo ki garandi dimas na puresa, ku ta ngabadu ku medu, ku ta fasi milagris?

Saida 18:11

Gosi N sibi kuma SIÑOR i mas garandi di ki tudu deusis, pabia i fasi e kusas pa kilis ku trataba Israel ku disprezu.”

Saida 8:10

Faraó fala: “Amaña.” Moisés falal: “I na sedu suma ku bu fala, pa bu pudi sibi kuma i ka ten ningin suma SIÑOR no Deus.

Saida 9:14

E bias, si bu ka seta, N na manda tudu ña pragas kontra bo ku bu ŝefis ku bu pobu, pa bu pudi sibi kuma i ka ten utru algin suma mi na tudu mundu.

Isaias 40:18

Nta kin ku bo na parsinti ku Deus? ke ku bo na komparal ku el?

Isaias 40:25

Deus Santu punta: “Kin ku sta suma mi ku bo na parsintin ku el?”

Isaias 43:10

SIÑOR fala: “Abos bo sedu ña tustumuñas, bo sedu ña servu ku N kuji, pa bo pudi kunsin, bo fia na mi, pa bo ntindi kuma N sedu Deus; antis di mi i ka tenba nin utru deus ku formadu, nin i ka na bin ten dipus di mi.

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 45:22

“Bo jubi pa mi pa bo sedu salbu, abos di tudu kantus di mundu, pabia ami i Deus; i ka ten mas utru.

Isaias 45:5

Ami ki SIÑOR, i ka ten mas utru; fora di mi i ka ten utru Deus; N na dau forsa, kontudu bu ka kunsin,

Isaias 63:12

El i pui si forsa gloriosu pa i marŝa na mon direita di Moisés, i findi yagu se dianti pa pudi ngaña pa si kabesa un fama ku ka ta kaba.

Efésius 3:20

Gloria pa kil ki kapas di fasi muitu mas ciu di ki tudu kil ku no pidi, o no pensa, konformi puder ku na tarbaja na nos;

Ripitison di Lei 3:24

“SIÑOR Deus, bu kumsa ja mostra bu servu bu garandesa ku bu mon forti, pabia i ka ten utru deus na seu nin na tera ku pudi fasi kusas garandi suma ku bu ta fasi ku bu forsa.

Ripitison di Lei 33:26

“O Jesurun, i ka ten utru algin suma Deus! I ta yanda montadu riba di seu pa judau; na si gloria i ta yanda suma rei riba di nuvens mas altu.

Ripitison di Lei 4:35

Bu mostradu ki kusas pa bu pudi sibi kuma SIÑOR i Deus; i ka ten utru fora del.

Ripitison di Lei 4:39

Asin bu dibi di ntindi aos, bu guarda na korson, kuma SIÑOR, el son ki Deus la riba na seu suma li na tera; i ka ten utru.

1 Samuel 2:2

“I ka ten algin puru suma SIÑOR; utru ka ten fora del; i ka ten nin un roca suma no Deus.