1 Kronikas 17:13 - BIBLIA - traduson antigu in Krioulo

¹³ N na sedu si pape; el i na sedu ña fiju. N ka na tira ña bondadi nel, suma ku N fasi ku kil ku staba antis di bo.

1 Kronikas 17:13 ပူးပေါင်းရင်းမြစ်များ

1 Reis 11:36

N na da un jorson pa si fiju, pa ña servu Davi pudi tene sempri un lus ña dianti na Jerusalen, ki prasa ku N kuji pa N pui ña nomi nel.

1 Kronikas 10:14

i ka bai obi konsiju na boka di SIÑOR. Asin SIÑOR matal, i pasanta renu pa Davi, fiju di Jesé.

1 Kronikas 17:12

El ku na kumpun kasa; ami N na firmanta si tronu pa sempri.

1 Kronikas 17:14

N na pul riba di ña kasa ku ña renu pa sempri; si tronu na fika firmi pa sempri.’ ”

Salmus 2:12

Bo beẑa Fiju, pa ka i paña raiba; pa bo ka bin kabadu ku el na kamiñu, pabia si raiba ta rebenta kinti-kinti. Sortiadu tudu kilis ku fiansa nel.

Salmus 2:7

Ami, ku sedu rei, N na ripiti ke ku SIÑOR fala. El i falan: “Abo i ña fiju; aos ku N padiu.

Isaias 55:3

Bo bin pa mi, bo mpina bo oreja, bo sukuta pa bo pudi tene vida, pabia N na fasi un kontratu ku bos pa sempri, pa N da bos bensons ku ka ta falia ku N fala Davi aserka delis.

Lukas 1:32

I na sedu algin garandi, i na comadu Fiju di ki Deus ku sta riba di tudu. Siñor Deus na dal renu di Davi, si pape di antigu.

Lukas 9:35

Un vos sai na nuven ku fala: “Es i ña Fiju ku N kuji. Bo sukutal.”

Bon Noba di Jesus Kristu ku Jon 3:35

Deus Pape ama si Fiju, i ntregal tudu kusas na si mon.

2 Koríntius 6:18

N ta sedu bo pape; bo ta sedu ña fijus macu ku femia. Asin ku Siñor ku ten tudu puder fala.”

Ebreus 1:5

Deus nunka ka fala nin un anju: “Abo i ña Fiju; aos N padiu.” Tambi i ka fala di nin un anju: “N na sedu si Pape; el i na sedu ña fiju.”

1 Samuel 15:28

Samuel falal: “Aos SIÑOR rumpi renu di Israel na bu mon, i dal pa utru, minjor di ki bo.