1 Kronikas 17:12 - BIBLIA - traduson antigu in Krioulo

¹² El ku na kumpun kasa; ami N na firmanta si tronu pa sempri.

1 Kronikas 17:12 ပူးပေါင်းရင်းမြစ်များ

1 Reis 5:5

SIÑOR papia ku ña pape Davi, i falal: ‘Bu fiju ku N na pui na tronu na bu lugar i na kumpu kasa na ña nomi.’ Asin N tene ja na ña sintidu pa kumpu kasa pa nomi di SIÑOR ña Deus.

1 Reis 8:19

ma i ka abo ku na bin kumpul. Bu fiju ku bu na padi, el ku na bin kumpu kasa pa ña nomi.’

1 Kronikas 17:11

Ora ku bu dias kaba, pa bu pudi bai pa bu papes, ami N na lantanda algin di bu jorson pa i toma bu lugar, un di bu propi fijus; N na firmanta si renu.

1 Kronikas 17:13

N na sedu si pape; el i na sedu ña fiju. N ka na tira ña bondadi nel, suma ku N fasi ku kil ku staba antis di bo.

Esdras 5:11

“E ruspundinu asin: ‘Anos i servus di Deus di seu ku tera; no na torna kumpu kasa ku kumpuduba ja disna di manga di anu. Un garandi rei di Israel kumpul, i kabantal,

Salmus 72:17

Si nomi pa i kontinua pa sempri; pa i pasantadu di papes pa fijus nkuantu sol na yardi. Jinti na bensuadu pabia del; tudu nasons na comal sortiadu.

Salmus 89:29

Sempri i na ten algin di si jorson ku na sedu rei; si renansa na tarda suma ku seu na tarda.

Salmus 89:4

N na firmanta si jorson pa sempri; N fasi si tronu firmi, pa i pasa di pape pa fiju pa sempri.” Sela

Salmus 89:5

O SIÑOR, seu na ngaba kusas garandi ku bu fasi, i na konta tambi, na juntamentu di bu pobu, kuma abo i fiel.

Isaias 9:7

Kirsimentu di si gubernu ku si pas ka na ten kabantada. I na sinta na tronu di Davi pa firmanta si renu, pa fortifikal ku justisa ku vida retu, disna di gosi pa sempri. SIÑOR ku ten tudu puder pui sintidu pa fasi e kusa.

Daniel 2:44

“Na tempu di ki reis, Deus di seu na lantanda utru renu ku nunka ka na danadu. Ki renu ka na pasa pa utru pobu; i na kebra-kebra tudu utru renus, i kaba ku elis. Ki renu na firmantadu diritu pa sempri.

1 Koríntius 15:25

Kristu ten ku rena te ora ku Deus pui tudu inimigus bas di si pe.

Kolosensis 2:9

Tudu ku Deus sedu i sta na Kristu, na si kurpu umanu.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”