1 Kronikas 16:4 - BIBLIA - traduson antigu in Krioulo

⁴ Davi kuji utru levitas pa e fasi sirvis dianti di arka di SIÑOR, pa kanta, pa gardisi, pa ngaba SIÑOR Deus di Israel.

1 Kronikas 16:4 ပူးပေါင်းရင်းမြစ်များ

Kumsada 17:7

N na pui ña kontratu na metadi di mi ku bo, ku bu fijus dipus di bo, ku se jorsons, un kontratu ku na fika pa sempri, pa N sedu bu Deus, Deus di bu jorson dipus di bo.

Kumsada 32:28

Omi falal: “Bu nomi ka na sedu mas Jakó, ma Israel, pabia bu luta ku Deus, tambi ku omis, bu ngaña.”

Kumsada 33:20

I lantanda altar la, i comal: Deus, Deus di Israel.

1 Reis 8:15

i fala: “No ngaba SIÑOR, Deus di Israel, ku kumpri palabra ki da ña pape Davi, oca ki falal:

1 Kronikas 15:16

Davi fala ŝefis di levitas pa e kuji se ermons ku sibi kanta, pa e tisi tambi instrumentus di musika suma violas, arpas ku simbalus, pa e toka, e kanta altu ku kontentamentu.

1 Kronikas 16:3

I pati kada omi ku kada minjer na Israel un pon, un bon padas di karni ku un bulu di uvas seku.

1 Kronikas 16:5

Asaf seduba ŝef, ku Zakarias si sugundu. Jeiel, Semiramot, Jeiel, Matitias, Eliab, Benaia, Obed-Edon ku Jeiel e kujidu pa toka violas ku arpas; Asaf tenba ku toka simbalus.

1 Kronikas 16:8

Bo ngaba SIÑOR, bo coma si nomi; bo konta na metadi di nasons kusas ki fasi.

1 Kronikas 24:3

Ku ajuda di Zadok, di jorson di Eleazar, ku Aimelek, di jorson di Itamar, Davi rapati jorson di Aron konformi dever di kada kin na sirvis.

1 Kronikas 25:1

Davi ku si ŝefis e kuji familias di Asaf, Eman ku Jedutun pa e juda na sirvis di kultus, pa anunsia rekadu di Deus, kumpañadu ku arpas, violas ku simbalus. Esis i nomis di jinti ku kujidu pa toma parti na ki sirvis:

1 Kronikas 6:31

Esis i jinti ku Davi nkarga di musika na kasa di SIÑOR dipus ku arka pudu la.

2 Kronikas 5:13

Asin e toka kornetas, e kanta juntu ku armonia pirfitu, pa gardisi Deus, pa ngabal. E yalsa vos, kumpañadu ku kornetas, simbalus ku utru instrumentus di musika, e ngaba Deus, e kanta: “El i bon; si bondadi i pa sempri.” Nuven bin inci kasa di SIÑOR.

Esdras 3:10

Oca ku pedrerus pui alisersu di templu di SIÑOR, saserdotis toma se lugar, ku se ropa di sirmonia, ku kornetas. Ki levitas di familia di Asaf bin tambi, ku salterius, pa ngaba SIÑOR na manera ku Davi, rei di Israel, daba ordi.

Neemias 12:24

Ŝefis di levitas seduba Asabias, Serebias, ku Jesua, fiju di Kadmiel. Utru levitas ta firmaba se dianti, pa ngaba Deus, tambi pa falal obrigadu; un grupu ta ruspundi ki utru grupu na kantigas, konformi ordi di omi di Deus, Davi.

Salmus 103:2

O ña alma, fala ben di SIÑOR! Ka bu diskisi di nin un di kusas bon ki fasi.

Salmus 105:5

Abos, jorson di si servu Abraon, abos, fijus di Jakó, kilis ki kuji, Bo lembra di kusas garandi ki fasi, si milagris ku si palabras di julgamentu.

Salmus 106:48

SIÑOR, Deus di Israel, pa i ngabadu, antis di kumsada te dipus di kabantada! Tudu jinti pa e fala: “Amen!” Bo ngaba SIÑOR!

Salmus 37:1

Ka bu fadiga pabia di jinti mau, nin ka bu ten nveẑa di kilis ku ta fasi pekadu,

Salmus 70:1

O Deus, bin salban dipresa; SIÑOR, janti pa sakuran!

Salmus 72:18

SIÑOR Deus, Deus di Israel, i mersi ngabadu; i el son ku ta fasi kusas garandi.