1 Kronikas 16:3 - BIBLIA - traduson antigu in Krioulo

³ I pati kada omi ku kada minjer na Israel un pon, un bon padas di karni ku un bulu di uvas seku.

1 Kronikas 16:3 ပူးပေါင်းရင်းမြစ်များ

1 Reis 3:15

Salomon korda, i rapara kuma i seduba suñu. I bai Jerusalen, i bai firma dianti di arka di kontratu di SIÑOR, i sakrifika ofertas kemadu ku ofertas di pas, i fasi festa pa jinti di si sirvis.

1 Kronikas 16:2

Oca ku Davi kaba pursenta ki ofertas kemadu ku di pas, i bensua pobu na nomi di SIÑOR.

1 Kronikas 16:4

Davi kuji utru levitas pa e fasi sirvis dianti di arka di SIÑOR, pa kanta, pa gardisi, pa ngaba SIÑOR Deus di Israel.

2 Kronikas 30:24

Ezekias, rei di Judá, i da pobu mil turu ku seti mil karnel; ŝefis da elis mil turu ku des mil karnel. Garandi numeru di saserdotis e purifikaba ja se kabesa.

Neemias 8:10

Bo bai kume bon kumida, bo bibi kusa meladu; bo manda kiñon pa kilis ku ka purpara nada, pabia e dia i dia sagradu pa no SIÑOR. Ka bo fika tristi, pabia alegria di SIÑOR i bo forsa.”

Kantiga di Salomon 2:5

Bo fortifikan ku uvas seku, bo arnoban ku masan, pabia N na dismaja ku amor.

Isaias 16:7

Moabitas na pupa, elis tudu e na cora pa Moab. Bo jimi, bo sinti tristesa garandi, pabia di bulus di uvas seku di Kir-Areset.

Ezekiel 45:17

Rei ten ku da limarias pa ofertas kemadu, ofertas di kumida ku ofertas di bibida pa festivalis, lua nobu ku dias di diskansu, ku sedu tudu festivalis markadu pa pobu di Israel. I na da ofertas di kumida ku limarias pa ofertas pa pekadu, ofertas kemadu ku ofertas di pas, pa pekadu di pobu di Israel pudi purdadu.”

Oseias 3:1

SIÑOR falan: “Bai utru bias, bu mostra amor pa bu minjer, ku utru algin kiri, i dita ku el. Amal suma ku SIÑOR ama fijus di Israel, kontudu e disvia, e bai pa utru deusis, e gosta di mundus di uva seku ke ta kumpu pa idulus.”

1 Pedru 4:9

Bo risibi ŋutru na bo kasa, sin miskiña.