1 Kronikas 15:16 - BIBLIA - traduson antigu in Krioulo

¹⁶ Davi fala ŝefis di levitas pa e kuji se ermons ku sibi kanta, pa e tisi tambi instrumentus di musika suma violas, arpas ku simbalus, pa e toka, e kanta altu ku kontentamentu.

1 Kronikas 15:16 ပူးပေါင်းရင်းမြစ်များ

1 Kronikas 13:8

Davi ku tudu Israel e na bajaba ku kontentamentu ku tudu se forsa dianti di Deus, e na kanta, e na toka arpas, violas, tambriñas, simbalus ku kornetas.

1 Kronikas 15:12

i fala elis: “Abos i ŝefis di familias di levitas. Bo purifika bo kabesa, ku bo ermons, pa bo pudi tisi arka di SIÑOR, Deus di Israel, pa kau ku N purpara ja pa el.

1 Kronikas 16:42

Eman ku Jedutun, elis ku ta tokaba kornetas ku simbalus, ku utru instrumentus di musika di Davi, ma fijus di Jedutun e ta guardaba porton.

1 Kronikas 16:5

Asaf seduba ŝef, ku Zakarias si sugundu. Jeiel, Semiramot, Jeiel, Matitias, Eliab, Benaia, Obed-Edon ku Jeiel e kujidu pa toka violas ku arpas; Asaf tenba ku toka simbalus.

1 Kronikas 23:5

kuatru mil na sedu porterus; utru kuatru mil na ba ta ngaba SIÑOR ku instrumentus, ku el, Davi, i kumpu pa ngabal.

1 Kronikas 6:16

Fijus di Levi: Jerson, Koat ku Merari.

2 Kronikas 20:19

Levitas di familias di koatitas ku koraitas e lanta, e yalsa fála pa ngaba SIÑOR Deus di Israel.

2 Kronikas 30:12

Deus staba ku jintis di Judá, i da elis un korson son, pa e obdisi ordi ku rei ku ŝefis da konformi palabra di SIÑOR.

2 Kronikas 5:12

Levitas, kantaduris di familias di Asaf, Eman ku Jedutun, ku se fijus ku ermons, bistidu di liñu finu, ku simbalus, violas ku arpas, e staba di pe na ladu di altar pa saida di sol, ku sentu i vinti saserdoti ku na toka kornetas.

2 Kronikas 5:13

Asin e toka kornetas, e kanta juntu ku armonia pirfitu, pa gardisi Deus, pa ngabal. E yalsa vos, kumpañadu ku kornetas, simbalus ku utru instrumentus di musika, e ngaba Deus, e kanta: “El i bon; si bondadi i pa sempri.” Nuven bin inci kasa di SIÑOR.

2 Kronikas 7:6

Saserdotis firma na se lugar, konformi se grupus, ku levitas tambi, ku instrumentus di musika di SIÑOR ku rei Davi kumpuba. E ngaba SIÑOR, e kanta: “Si bondadi i pa sempri,” suma ku Davi ta fasiba juntu ku elis. Saserdotis toka kornetas; tudu Israel fika di pe.

Neemias 12:27

Pa dedikason di mura di Jerusalen jinti bai buska levitas na tudu kau ke ta moraba, e tisi elis pa e bin juda na dedikason ku kontentamentu, pa e ngaba Deus ku kantigas, salterius, simbalus ku arpas.

Neemias 12:36

ku si parentis Semaias, Azarel, Milalai, Jilalai, Maai, Netanel, Judá ku Anani, ku instrumentus di musika suma di Davi, omi di Deus. Ki pursor di lei, Esdras, bai se dianti.

Neemias 12:43

Na ki dia e sakrifika manga di limaria, e fika kontenti, pabia Deus da elis garandi alegria; te minjeris ku mininus e fika kontenti, tok fála di kontentamentu na Jerusalen i obidu lunju.

Neemias 12:46

pabia na tempu antigu, di Davi ku Asaf, i tenba ja kin ku na diriẑi kantaduris oca ke na kanta pa ngaba Deus, tambi pa gardisil.

Salmus 100:1

Abos, tudu jinti di mundu, bo kanta ku alegria pa SIÑOR.

Salmus 149:3

pa e ngaba si nomi ku flauta, pa e kanta salmus pa el ku tambriña ku arpa.

Salmus 150:5

Bo ngabal ku son di simbalus, bo ngabal ku simbalus ku tene son altu.

Salmus 81:1

Bo kanta ku kontentamentu pa Deus, ku sedu no forsa; bo yalsa fála pa ngaba Deus di Jakó.

Salmus 81:3

Bo toka korneta pa festival, na lua nobu, tambi ora ku lua firma.

Salmus 87:7

Kantaduris ku tokaduris di instrumentus e na kanta: “Tudu ña fontis sta na bo.”

Salmus 95:1

Bo bin, no kanta pa SIÑOR ku kontentamentu; no yalsa vos, no kanta pa Roca di no salbason.

Saida 15:20

Mirian, ku ta anunsiaba rekadu di Deus, irma di Aron, i toma tambriña na si mon. Tudu minjeris pega si tras, e na toka tambriñas, e na baja.

Isaias 49:23

Reis na teneu suma bu pape; se raiñas na tratau suma bu mame. E na limbi puera di bu pe. Abo bu na sibi kuma N sedu SIÑOR; kilis ku fia na mi e ka na kunfundidu.”

Jeremias 33:11

baruju di kontentamentu ku alegria, ku vos di noivu ku noiva, ku kantiga di jinti ku na kanta pa bai leba ofertas di gardisimentu pa kasa di SIÑOR, ku na fala: ‘Bo ngaba SIÑOR ku ten tudu puder, pabia el i bon; si bondadi i pa sempri.’ N na fasi e tera riku suma ki seduba na kumsada. I ami, SIÑOR, ku fala.”

Amos 6:5

Bo ta kanta, bo toka viola; bo ta kumpu nobu instrumentus di musika pa bos, suma Davi.

Atus 14:23

Tambi na kada igreẑa e kuji garandis; e ora, e junjuŋa, e ntrega elis na Siñor ke fia nel.

2 Timótiu 2:2

Bu obi ña nsinamentu dianti di manga di tustumuña. Da ki nsinamentu pa omis fiel, ku sedu kapas tambi di nsina utrus.

Titu 1:5

N fikau na Kreta pa bu pudi pui na ordi kusas ku falta inda, pa bu kuji presbíterus na kada tabanka. Suma ku N mandau,