1 Kronikas 13:6 - BIBLIA - traduson antigu in Krioulo

⁶ Davi ku tudu Israel bai pa Baalá, ku sedu Kiriat-Jearin ku sta na Judá, pa tisi di la arka di Deus, ku nomi di ki SIÑOR ku ta mora na metadi di kirubins ta comadu riba del.

1 Kronikas 13:6 ပူးပေါင်းရင်းမြစ်များ

1 Reis 8:16

‘Disna di dia ku N tira ña pobu Israel na Ejitu, N ka kuji prasa na tera di kualker jorson di Israel pa un kasa kumpudu la ku ña nomi ta sta nel, ma N kuji Davi pa i guberna riba di ña pobu Israel.’

2 Reis 19:15

i ora, i fala: “O SIÑOR, Deus di Israel, ku sta sintadu na tronu na metadi di kirubins, abo son ku sedu Deus riba di tudu renus di mundu. Abo ku kumpu seu ku tera.

Salmus 80:1

O Deus, Bakiadur di Israel, para sintidu. Abo ku ta gia José suma karnel, ku ta sinta na metadi di kirubins, mostra bu gloria

Salmus 99:1

SIÑOR na rena; nasons pa e tirmi! El i sinta na tronu na metadi di kirubins; tera pa i bulbuli!

Saida 20:24

“Kumpun un altar di lama; riba del bu na da bu ofertas kemadu, ofertas di pas, bu karnelis ku bakas. Na tudu kau ku N kuji pa bu fasin sirmonia pa lembra di ña nomi, N na bin pa bo, N na bensuau.

Saida 23:21

Da atenson pa el, bu obdisi si palabra. Ka bu pul i paña raiba, pabia i ka na purda bu disobdiensia, suma ku ña nomi sta nel.

Saida 25:22

La N na bin pa bo, riba di kubertura di miserikordia na metadi di dus kirubin ku sta riba di arka di tustumuñu. N na papia ku bo, N na dau tudu ña ordis pa fijus di Israel.

Isaias 37:16

“O SIÑOR ku ten tudu puder, Deus di Israel, abo ku sta sintadu na metadi di kirubins, i abo son ku sedu Deus riba di tudu renus di mundu; i abo ku kumpu seu ku tera.

Numerus 6:27

“De manera e na pui ña nomi riba di fijus di Israel; asin ami N na bensua elis.”

Numerus 7:89

Kualker ora ku Moisés yentraba na tenda di juntamentu pa papia ku Deus, i ta obiba un fála ku na papia na metadi di ki dus kirubin ku staba na kau di miserikordia riba di arka di kontratu. Asin ke ta kombersaba.

Josué 15:60

Kiriat-Baal (ku sedu Kiriat-Jearin ) ku Rabá — dus prasa ku se tabankas.

Josué 15:9

Desdi altura di monti, frontera bai te na fonti di yagu di Neftoa, i bai te na prasas di monti di Efron, i sigi pa Baalá, ku sedu Kiriat-Jearin;

Josué 9:17

pabia fijus di Israel sai pa bai; na terseru dia e ciga na se prasas, ku sedu Jibeon, Kefira, Beerot ku Kiriat-Jearin.

1 Samuel 4:4

Asin e manda jinti pa Siló; e bai tisi arka di kontratu di SIÑOR ku ten tudu puder, ku sinta na tronu na metadi di kirubins. Ki dus fiju di Eli, Ofni ku Fineias, e staba la ku arka di kontratu di Deus.

1 Samuel 6:21

E manda rekadu pa jinti di Kiriat-Jearin, e fala elis: “Bo bin leba arka di SIÑOR pa bo kau, pabia filisteus ribantanu el.”