1 Kronikas 12:8 - BIBLIA - traduson antigu in Krioulo

⁸ Utru gaditas bai pa Davi na lugar forti na lala. E seduba jinti di koraẑen, omis forti, trenadu pa gera, yarmadu ku tajaderas ku kañakus. Se rostus parsiba ku rostu di lion; e ta kuriba suma gazela na monti.

1 Kronikas 12:8 ပူးပေါင်းရင်းမြစ်များ

2 Samuel 1:23

“Saul ku Jonatas, amadus, na se vida jinti gostaba delis; na mortu tambi e ka separa; e seduba mas lestu di ki agia, mas forti di ki lion.

2 Samuel 17:10

Asin, soldadu mas koraẑosu ku ten korson duru suma lion i na ribi ku medu, pabia tudu Israel sibi kuma bu pape i geriadur; omis ku sta ku el e sedu jinti di koraẑen.

2 Samuel 2:18

Tris fiju di Zeruia staba la, ku sedu Joab, Abisai ku Asael. Asael, ku seduba lestu na kurida suma kabra-matu,

2 Samuel 23:20

Benaia tambi, fiju di Jeoiada, di Kabzeel, un omi balenti ku ta fasiba manga di kusa di fama, i mata dus omi di Moab, forti suma lion. I disi tambi na un koba na tempu di nevi, i mata un lion la.

1 Kronikas 11:16

Davi staba na un kau forti; filisteus tomaba konta di Belen.

1 Kronikas 11:22

Benaia, fiju di Jeoiada, i seduba un omi di koraẑen, di Kabzeel, ku fasi manga di kusa garandi. I mata dus omi di Moab, forti suma lion. Tambi i ria, i mata lion dentru di un koba, na tempu di nevi.

1 Kronikas 12:16

Utru grupu di omis di Benjamin ku Judá e bin tambi pa Davi, na kau forti nunde ki staba.

1 Kronikas 12:7

Joela ku Zebadias, fijus di Jeroan di Jedor.

1 Kronikas 12:9

Ezer i seduba se ŝef; dipus i tenba Obadias, Eliab,

2 Kronikas 25:5

Amazias junta tudu omis di Judá ku Benjamin, i rapati elis konformi familias di se papes, i pui elis na konta di ŝefis di mil ku di sen. Numeru di kilis di vinti anu pa riba i sedu 300.000; e seduba omis kujidu, purparadu pa gera, ku sibi usa kañaku ku tajadera.

Ditus 28:1

Jinti mau ta kuri nin si algin ka serka elis, ma justu ta ten konfiansa suma fiju di lion.

Ditus 6:5

Libra bu kabesa, suma gazela na mon di montiadur, o suma kacu na mon di kin ku ta pañal.

Kantiga di Salomon 8:14

Ña amadu, bin dipresa, bu sedu suma gazela, o fiju macu di gazela, riba di monti ku ta cera sabi.

Jeremias 46:9

Kabalus, bo kuri pa gera! Omis di karu, bo bai kinti-kinti! Abos, omis forti, bo marŝa! Omis di Etiopia ku Libia e pega tajaderas; omis di Lidia e tene se mansasas pruntu.

1 Samuel 23:14

Davi fika i na sukundi-sukundi na monti, na lala di Zif. Saul na buskalba tudu dia, ma Deus ka ntregal na si mon.

1 Samuel 23:29

Davi sai la, i bai fika na lugaris forti di En-Jedi.

1 Samuel 24:22

Asin Davi jurmenta pa Saul. Saul riba pa si kasa, ma Davi ku si omis bai pa se lugar forti.