1 Kronikas 12:2 - BIBLIA - traduson antigu in Krioulo

² E teneba mansasas; e ta ferca pedras o manda fleŝas ku mon direita o mon skerda. E seduba parentis di Saul, di jorson di Benjamin.

1 Kronikas 12:2 ပူးပေါင်းရင်းမြစ်များ

1 Kronikas 12:29

di jorson di Benjamin, parentis di Saul, 3.000 (maior parti di Benjamin e fikaba inda fiel pa familia di Saul);

1 Kronikas 12:3

Ali se nomis: Aiezer, se ŝef, ku Joás, fijus di Semaa di Jibeá; Jeziel ku Pelet, fijus di Azmavet; Beraka ku Jeu di Anatot;

1 Kronikas 8:40

Fijus di Ulan e seduba omis di fama ku ten koraẑen, ku tenba jitu na manda fleŝa. E teneba manga di fiju ku netu. Elis tudu i sentu i sinkuenta. Tudu e jinti seduba di jorson di Benjamin.

Salmus 78:9

Omis di Efrain e staba yarmadu ku mansasas, ma na dia di gera e vira kosta, e kuri.

Ŝefis 20:16

Na tudu ki tropas i tenba 700 ku seduba skerdus, e ta fercaba pedra di lamparan pa un kabelu, e ka ta yaraba.

Ŝefis 3:15

Fijus di Israel yalsa fála e coma SIÑOR; el i bin da elis un libertadur, un omi skerdus ku comadu Eud, fiju di Jera, benjamita. Fijus di Israel mandal pa i leba mpustu pa Eglon, rei di moabitas.

1 Samuel 17:49

i miti mon na saku, i tira un pedra, i fercal ku lamparan, i paña filisteu na testa; pedra fural testa, i yentra; omi kai ku rostu na con.