1 Kronikas 12:18 - BIBLIA - traduson antigu in Krioulo

¹⁸ Spiritu yentra na Amasai, kil ku, mas tardi, bin sedu ŝef di ki trinta, i fala: “O Davi, no sedu di bo! O fiju di Jesé, no sta ku bo! Pas, pas ta sta ku bo! Pas ta sta ku kil ku na judau! Bu Deus i bu Judadur.” Asin Davi risibi elis, i fasi elis kapitons di tropas.

1 Kronikas 12:18 ပူးပေါင်းရင်းမြစ်များ

2 Samuel 15:21

Itai ruspundi rei i falal: “N jurmenta pa vida di SIÑOR, ku vida di Ñu Rei, kuma, na kualker kau ku Ñu Rei na sta, la tambi ku bu servu na sta, nin si i pa mortu o pa vida.”

2 Samuel 17:25

Absalon pui Amasa suma ŝef di tropas na lugar di Joab. Amasa i fiju di un omi ismaelita ku teneba nomi di Jeter, ku kasaba ku Abigail, fiju femia di Naás, tambi irma di Zeruia, mame di Joab.

2 Samuel 19:13

I manda elis tambi pa e fala Amasa: “Abo i ña ermon di mesmu sangi. Deus ta kastigan ciu si N ka fasiu ŝef di tropas na lugar di Joab, disna di aos pa dianti.”

2 Samuel 5:2

Mesmu na ki tempu ku Saul seduba inda no rei, i abo ku ta baiba dianti di tropas di Israel. Tambi SIÑOR falau kuma bu na sedu gia di si pobu Israel; bu na sedu se rei.”

1 Reis 9:22

Ma Salomon ka fasi kualker israelita pa i sedu katibu. Elis e seduba si omis di gera, si funsionarius, si kapitons, ku ŝefis di si karus ku si kabalerus.

2 Reis 10:15

Jeu bai dianti, i kontra ku Jonadab, fiju di Rekab, ku na binba pa dal kontrada. I falal manteña, i puntal: “Bu sta di akordu ku mi suma ku N sta ku bo?” Jonadab falal: “N sta.” I falal: “Si bu sta, dan mon.” I dal mon; Jeu judal mbarka na si karu,

2 Reis 10:5

Asin, ŝef di kasa di rei, ŝef di prasa, garandis, ku kilis ku na kriaba ki mininus, e manda fala Jeu: “Anos i bu servus; tudu kil ku bu falanu, no na fasil. No ka na pui ningin pa i sedu rei. Fasi kil ku bu oja kuma i bon.”

2 Reis 9:32

Jeu jubi riba pa ki janela, i punta: “Kin ku sta ku mi? Kin ku sta la?” Dus o tris funsionariu jubi pa el.

1 Kronikas 11:11

Purmeru di ki omis forti i sedu Jesobean, akmonita, ŝef di kapitons. I yalsa si kañaku kontra trizentus omi, i mata elis tudu.

1 Kronikas 12:17

Davi sai i da elis kontrada, i fala elis: “Si bo na bin pa mi pa judan suma amigus, ña korson sta pruntu pa junta ku bos, ma si bo bin pa ntregan na mon di ña inimigus, sin i ka ojadu un mal na mi, Deus di no papes i ta ojal, i raprindi bos.”

1 Kronikas 2:17

Abigail padi Amasa; pape di Amasa seduba Jeter, un ismaelita.

Isaias 59:17

I bisti retidon suma si armadura di pitu, i pui kapasiti di salbason na si kabesa, i bisti vingansa suma ropa, i kubri ku dedikason suma panu.

Zakarias 8:23

Asin ku SIÑOR ku ten tudu puder fala: “Na ki dia, des omi di tudu linguas di nasons e na pega na ponta di kamisa di un judeu, e na falal: ‘No na bai ku bos, pabia no obi kuma SIÑOR sta ku bos.’ ”

Mateus 12:30

Kil ku ka sta ku mi i kontra mi. Kil ku ka na judan junta kusas, i na pajigal.

Gálatas 6:16

Pa tudu kilis ku na yanda konformi e nsinamentu, pas ku miserikordia ta sta riba delis, tambi riba di tudu Israel di Deus.

Ŝefis 13:25

Spiritu di SIÑOR kumsa na pincal, oca ki staba na kampamentu di Dan, na metadi di Zorá ku Estaol.

Ŝefis 3:10

Spiritu di SIÑOR bin riba del, i kumsa na manda na Israel. I sai pa gera; SIÑOR bin ntrega Kusan-Risatain, rei di Aran, na mon di Otniel, ku bin ngañal gera.

Ŝefis 6:34

Spiritu di SIÑOR toma konta di Jidion. Jidion toka korneta; abiezritas bin pa el.

Ruti 1:16

Ruti falal: “Ka bu ngodan pa N riba, N fika lunju di bo. Nunde ku bu bai, la ku N na bai; nunde ku bu mora, la ku N na mora. Bu pobu na sedu ña pobu; bu Deus na sedu ña Deus.

1 Samuel 16:4

Samuel fasi kil ku SIÑOR falal; i bai pa Belen. Garandis di prasa sai pa bai dal kontrada, e na tirmi, e puntal: “Bu visita i di pas?”

1 Samuel 16:5

I fala elis: “Sin, i di pas. N bin sakrifika pa SIÑOR. Bo purifika bo kurpu, bo bin ku mi pa no bai sakrifika.” El propi i purifika Jesé ku si fijus, i kumbida elis pa sakrifisiu.

1 Samuel 22:7

Saul fala tudu si ŝefis: “Bo sukutan, abos omis di Benjamin! Nta fiju di Jesé na da bos lugaris ku ortas di uva? I na fasi bos tudu pa bo sedu ŝefis di milyaris ku ŝefis di sentenas?

1 Samuel 24:12

SIÑOR ta julga na metadi di mi ku bo, i ta tornau mal ku bu na fasin, ma ña mon ka na fasiu mal.

1 Samuel 24:13

Suma ku ditu antigu fala: ‘Son jinti mau ku ta pratika mau kusa.’ Asin ña mon ka na sta kontra bo.

1 Samuel 24:16

Oca Davi kaba papia tudu ki palabra, Saul falal: “Ña fiju Davi! Es i bu fála?” Dipus i yalsa si fála, i cora,

1 Samuel 8:12

i na pui elis suma ŝefis di milyaris ku ŝefis di sinkuenta, o pa e labra si lugaris, pa korta si arus, pa ba ta kumpu si feramentus di gera, ku ekipamentu di si karus.