1 Kronikas 11:5 - BIBLIA - traduson antigu in Krioulo

⁵ Jebuseus fala Davi: “Bu ka na yentra li.” Ma nin ku ’sin, Davi toma kuartel di Sion, ku gosi ta comadu prasa di Davi.

1 Kronikas 11:5 ပူးပေါင်းရင်းမြစ်များ

2 Samuel 5:9

Asin Davi bai mora na ki kau forti, i comal prasa di Davi. I kumsa kumpu prasa na roda, desdi Milu te dentru di prasa.

2 Samuel 6:10

I sinti kuma i ka pudi ja leba arka di SIÑOR pa prasa di Davi, ma i vira pa utru kamiñu, i lebal pa kasa di Obed-Edon, un jiteu. .

2 Samuel 6:12

Jinti konta Davi kuma SIÑOR bensua familia di Obed-Edon ku tudu ki tene pabia di arka di Deus. Asin Davi bai i bai toma arka di Deus na kasa di Obed-Edon, i lebal pa prasa di Davi ku kontentamentu.

1 Reis 8:1

Salomon manda coma garandis di Israel, ku tudu kabesas di jorson, ku ŝefis di familia di fijus di Israel, pa e bin nunde el na Jerusalen, pa leba arka di kontratu di SIÑOR di prasa di Davi ku sedu Sion.

1 Kronikas 11:4

Davi ku tudu Israel e bai pa Jerusalen, ku comaduba Jebus, nunde ku jebuseus moraba.

1 Kronikas 11:6

Davi falaba si tropas: “Purmeru omi ku yentra pa ataka jebuseus, i el ku na sedu bo ŝef mas garandi.” Joab, fiju di Zeruia, i yentra purmeru; asin i bin sedu ŝef di tropas.

1 Kronikas 11:7

Davi bai mora na ki kuartel; asin jinti pasa ta comal prasa di Davi.

2 Kronikas 5:2

Salomon coma garandis di Israel, tudu kabesas di jorsons ku ŝefis di familia di Israel, pa e bin pa Jerusalen, pa Sion, prasa di Davi, pa leba arka di kontratu di SIÑOR.

Salmus 122:5

Tronus di julgamentu sta la, ku sedu tronus di kasa di Davi.

Salmus 132:13

SIÑOR kuji Sion, i dijal pa si morada, i fala:

Salmus 2:6

“N unji ña rei riba di ña monti sagradu di Sion.”

Salmus 48:2

Monti di Sion, prasa di garandi Rei, i bonitu, i altu, alegria di tudu mundu; i sta na ladu di norti.

Salmus 78:68

ma i kuji jorson di Judá, ku monti di Sion, ki ama.

Salmus 87:2

i ama portons di Sion mas di ki tudu morada di Israel.

Salmus 87:5

I na faladu aserka di Sion: “Es ku ki utru padidu la; Deus ku sta riba di tudu, i el propi ku na firmantal.”

Salmus 9:11

Bo kanta pa ngaba SIÑOR ku sta sintadu na Sion; bo anunsia na metadi di nasons kusas ki fasi.

Romanus 9:33

suma ki sta skritu: “Bo oja, N na pui na Sion un pedra di da tapada, un roca ku na pui elis kai. Kin ku fia nel ka na fika ku borgoña.”

Ebreus 12:22

Ma bo ciga pa monti di Sion, pa prasa di Deus bibu, Jerusalen di seu, ku si manga di milyaris di anju

Apokalipsi 14:1

Dipus N oja, la na monti di Sion i staba sikidu Karnel, juntu ku 144.000 jinti ku teneba si nomi ku nomi di si Pape skritu na se testa.

Ŝefis 19:10

Ma omi ka misti pasa noti la; i lanta, i bai ku si kumadri, ku si dus buru kargadu; e ciga lungu di Jebus, ku sedu Jerusalen.

1 Samuel 17:26

Davi punta omis ku staba lungu del: “Ke ku na fasidu pa ki omi ku mata e filisteu, pa tira disgrasa riba di Israel? E filisteu insirkunsidadu i kin propi pa disafia tropas di Deus bibu?”

1 Samuel 17:36

Asin N ciga di mata lions tudu ku ursus; ki filisteu insirkunsidadu i na sedu suma un delis, pabia i disafia tropas di Deus bibu.