1 Kronikas 11:3 - BIBLIA - traduson antigu in Krioulo

³ Oca ku tudu garandis di Israel bin pa rei Davi na Ebron, i fasi kontratu ku elis la, dianti di SIÑOR. E unjil pa i sedu rei riba di Israel, suma ku SIÑOR falaba ja na boka di Samuel.

1 Kronikas 11:3 ပူးပေါင်းရင်းမြစ်များ

2 Samuel 2:4

Omis di Judá bai unji Davi suma rei di jorson di Judá. Oca Davi kontadu kuma, i omis di Jabes-Jilead ku ntera Saul,

2 Samuel 5:3

Asin tudu garandis di Israel bai pa rei Davi na Ebron; rei fasi kontratu ku elis la, dianti di SIÑOR; e unji Davi suma rei riba di Israel.

2 Samuel 5:5

I rena riba di Judá na Ebron pa seti anu ku seis mis; i rena na Jerusalen riba di tudu Israel ku Judá trinta i tris anu.

2 Reis 11:17

Jeoiada pui rei ku pobu pa e yentra na kontratu ku SIÑOR, pa e sedu pobu di SIÑOR. I fasi kontratu tambi entri rei ku pobu.

2 Reis 23:30

Si ŝefis leba si kurpu di Mejidu pa Jerusalen, e nteral na si koba. Pobu di Judá toma Jeoakaz, fiju di Josias, e unjil pa i sedu rei na lugar di si pape.

1 Kronikas 11:10

I tenba ŝefis di omis forti di Davi; elis ku tudu Israel e judal pa i sedu rei, suma ku SIÑOR falaba ja; e apoial pa si renu pudi fika suguru.

2 Kronikas 23:3

Tudu kilis ku junta, e fasi kontratu ku rei na kasa di Deus. Jeoiada fala elis: “Ali fiju di rei! I na bin rena suma ku SIÑOR fala aserka di jorson di Davi.

Ŝefis 11:11

Asin Jeftá bai ku garandis di Jilead; pobu pul suma ŝef, tambi kumandanti di gera. I ripiti dianti di SIÑOR na Mizpá tudu ki falaba.

1 Samuel 11:15

Tudu jinti bai e konfirma Saul suma rei dianti di SIÑOR na Jilgal. E sakrifika ofertas di pas la dianti di SIÑOR; Saul ku tudu pobu di Israel fika ku garandi kontentamentu.

1 Samuel 15:28

Samuel falal: “Aos SIÑOR rumpi renu di Israel na bu mon, i dal pa utru, minjor di ki bo.

1 Samuel 16:1

SIÑOR punta Samuel: “Te kal tempu ku bu na sinti dur di Saul suma ku N negal pa ka i rena riba di Israel? Inci bu cifri azeiti, bu pega kamiñu. N na mandau pa Jesé di Belen, pabia N kuji un di si fijus pa i sedu rei.”

1 Samuel 16:3

Bu na kumbida Jesé pa sakrifisiu; N na kontau ke ku bu na fasi; bu na unjin kil ku N mostrau.”

1 Samuel 23:18

Elis dus e fasi kontratu dianti di SIÑOR. Davi fika na matu; Jonatas riba pa kasa.

1 Samuel 28:17

Pabia SIÑOR fasiu suma ki falaba pa ña boka; i rumpi renansa na bu mon, i da bu kumpañer Davi.