1 Kronikas 11:10 - BIBLIA - traduson antigu in Krioulo

¹⁰ I tenba ŝefis di omis forti di Davi; elis ku tudu Israel e judal pa i sedu rei, suma ku SIÑOR falaba ja; e apoial pa si renu pudi fika suguru.

1 Kronikas 11:10 ပူးပေါင်းရင်းမြစ်များ

2 Samuel 3:21

Dipus Abner fala Davi: “N na lanta, N bai junta tudu Israel pa Ñu Rei, pa e fasi kontratu ku bo, pa bu rena riba di tudu tera, suma ku bu misti.” Asin Davi dispidi Abner, i dal garantia di pas na bias.

1 Kronikas 11:3

Oca ku tudu garandis di Israel bin pa rei Davi na Ebron, i fasi kontratu ku elis la, dianti di SIÑOR. E unjil pa i sedu rei riba di Israel, suma ku SIÑOR falaba ja na boka di Samuel.

1 Kronikas 12:21

E juda Davi kontra ki tropa ku bin furtaba se kusas, pabia elis tudu e seduba omis forti di koraẑen, kapitons di tropas.

1 Kronikas 12:23

Es i numeru di tropas yarmadu pa gera ku bin pa Davi na Ebron pa ntregal renu di Saul, konformi palabra di SIÑOR:

1 Kronikas 12:24

Di jorson di Judá: 6.800 omi yarmadu pa gera, ku pega tajaderas ku kañakus;

1 Kronikas 12:38

Tudu ki tropas, ku staba pruntu pa gera, e bin tudu pa Ebron ku un sintidu son, pa fasi Davi rei riba di tudu Israel. Tambi tudu restu di Israel staba ku ki mesmu sintidu pa pui Davi pa i sedu rei.

1 Kronikas 12:39

Ki tropas e fika la ku Davi tris dia, e kume e bibi, pabia se parentis purparaba kumida pa elis.

1 Kronikas 27:1

Es i lista di ŝefis di familia di Israel, kapitons di mil ku di sen, ku administraduris ku ta sirbiba rei. Kada mis di anu, un grupu di 24.000 omi ta yentraba pa tarbaja pa un mis; dipus i ta sai; utru grupu ta yentra.

1 Kronikas 28:1

Davi coma tudu ŝefis di Israel pa e junta na Jerusalen: administraduris di jorsons, ŝefis di grupus ku ta sirbi rei, kapitons di mil ku di sen, administraduris di rikesas ku limarias di rei ku di si fijus, suma tambi funsionarius di palasiu ku ŝefis di tropa.

1 Samuel 16:1

SIÑOR punta Samuel: “Te kal tempu ku bu na sinti dur di Saul suma ku N negal pa ka i rena riba di Israel? Inci bu cifri azeiti, bu pega kamiñu. N na mandau pa Jesé di Belen, pabia N kuji un di si fijus pa i sedu rei.”