1 Kronikas 10:4 - BIBLIA - traduson antigu in Krioulo

⁴ Saul rabida i fala rapas ku ta lebal si tajadera: “Toma bu spada, bu matan, pa ka e jintius bin fasi trosa di mi.” Ma si rapas ka seta, pabia i tenba medu garandi. Saul toma si spada propi, i kai riba del.

1 Kronikas 10:4 ပူးပေါင်းရင်းမြစ်များ

2 Samuel 1:20

Ka bo kontal na Gat, nin na ruas di Askelon, pa minjeris di filisteus ka fika alegri, nin pa bajudas stranjeru ka jukuta ku kontentamentu.

2 Samuel 1:6

Rapas falal: “Mbon, i kontisi ku N ciga na montaña di Jilboa, N oja Saul ngostadu na si kañaku. Karus ku kapitons di kabalus e staba kuas pa pañal.

2 Samuel 17:23

Oca Aitofel oja kuma jinti ka na sigi si konsiju, i purpara si buru, i lanta, i bai pa si kasa na si propi prasa, i ruma tudu si asuntus ku familia, i bai nforka si kabesa, i muri, i nteradu na koba di si pape.

1 Reis 16:18

Zinri oja kuma prasa tomadu, i yentra na un kuartu forti dentru di palasiu, i pui fugu na kasa, i muri la dentru.

1 Kronikas 10:3

Gera bin bida forti kontra Saul; e yangasal ku fleŝas, e molostal risu.

1 Kronikas 10:5

Oca ku rapas di tajadera oja kuma Saul muri, el tambi i toma si spada, i kai riba del, i muri.

Atus 1:18

(Judas kumpra un kampu ku pagamentu di si maldadi. La ki kai, i rebenta na metadi, si tripas darma tudu.

Atus 16:27

Guarda korda, i oja portas di kalabus yabridu, i toma spada pa mata si kabesa, i kuda kuma prezus kuri tudu,

Ŝefis 15:18

Manera ki teneba sedi di yagu dimas, i coma SIÑOR i falal: “Bu da bu servu e garandi vitoria. Nta N na bin muri gora ku sedi di yagu, pa N bin kai na mon de jinti ku ka sirkunsidadu?”

Ŝefis 16:21

Filisteus pañal, e rinkal si dus uju, e lebal pa Gaza, e maral ku dus korenti di bronzi, e pul pa i ba ta pila trigu na kalabus.

Ŝefis 9:54

Logu i coma rapas ku ta lebal si material di gera, i falal: “Tira bu spada, bu matan, pa jinti ka bin fala kuma i un minjer ku matan.” Rapas fural ku spada; i muri.

1 Samuel 14:6

Jonatas fala rapas ku ta lebal material di gera: “Bin no kamba pa kampamentu di ki jinti insirkunsidadu; talves SIÑOR na judanu, pabia nada ka pudi tujil si i misti libra, nin ki ku manga di jinti o ku puku.”

1 Samuel 17:26

Davi punta omis ku staba lungu del: “Ke ku na fasidu pa ki omi ku mata e filisteu, pa tira disgrasa riba di Israel? E filisteu insirkunsidadu i kin propi pa disafia tropas di Deus bibu?”

1 Samuel 17:36

Asin N ciga di mata lions tudu ku ursus; ki filisteu insirkunsidadu i na sedu suma un delis, pabia i disafia tropas di Deus bibu.

1 Samuel 31:4

Saul fala si rapas ku ta lebal feramentus di gera: “Tira bu spada, bu furan ku el, pa e jinti insirkunsidadu ka bin furan, e fasi trosa di mi.” Si rapas ka misti, pabia i tenba garandi medu. Asin Saul toma si spada, i kai riba del.